शुक्रबार, माघ ९ २०७७ | Fri, January 22, 2021
नेपालको समय: ०६:४० | UK Time: 00:55

फ्रान्सले कोभिड-१९ नेगेटिभ भएकाहरुलाई बेलायतबाट आउन दिने

वीनेपाली
२०७७ पुष ७ गते १९:०३

डोभरमा पार्क गरिएका मालबाहक सवारीसाधनहरु

लण्डन । बेलायतबाट फ्रान्स छिर्न आइतबारदेखि रोकिएमा सो खुलाउन फ्रान्स सहमत भएको छ ।

बेलायतका यातायात मन्त्री ग्रान्ट सापका अनुसार कोभिड-१९ को टेष्ट नेगेटिभ भएकाहरुलाई मङ्गलबार राति १२ बजेदेखि फ्रान्स जान दिइने भएको हो ।

फ्रान्सले तीन दिनसम्मको टेष्ट रिजल्टलाई मान्यता दिने भएको छ । आजै मध्यरातबाट रेल, हवाइजहाज र जल यातायातबाट फ्रान्स जान पाइने भएको छ । तर डोभर च्यानलमा रोकिएका मालबाहक साधनहरु भने सम्भवत भोलिदेखि फ्रान्स जान पाउने छन् । यसबारेमा फ्रान्सका प्रधानमन्त्रीले केही समयमै जानकारी दिने बताइएको छ ।

अहिले बेलायतले ती सवारीसाधनका चालकहरुको कोभिड टेष्ट गराउन सैनिक परिचालन गर्न खोजिरहेको बताइएको छ ।

आइतबार रातिदेखि फ्रान्सले बेलायतबाट हुने यात्रामा रोक लगाएपछि अहिले डोभर च्यानल नजिकै करिब ३ हजारको संख्यामा मालबाहक सवारीसाधनहरु थुप्रिएको केन्ट काउन्टीले जनाएको छ । मन्त्री सापले सो क्षेत्रमा नजान मालबाहक सवारीचालकहरुलाई अनुरोध गरेका छन् ।

प्रतिक्रिया

सम्बन्धित सामाग्री

फेसबुक