लण्डन । बेलायतमा संक्रामक कोरोना भाइरस फैलिएकाले नेपाल सरकारले बेलायतबाट नेपाल यात्रा गर्न प्रतिबन्ध लगाएपछि नेपाली दुताबास लण्डनले नेपालको भिसा जारी नगर्ने भएको छ ।
दुताबासले मंगलबार अपराह्न एक विज्ञप्ति जारी गर्दै बुधबारदेखि नेपाल सरकारले अर्को निर्णय नगरेसम्म दुताबासबाट पर्यटक तथा अन्य भिसा जारी नगर्ने बताएको हो ।
नेपाल सरकारले आजै बेलायतबाट नेपाल जाने तथा अन्य मुलुकहरुबाट बेलायतमा ट्रान्जिट हुँदै नेपाल जाने यात्रामाथि प्रतिबन्ध लगाउने निर्णय गरेको छ ।
विश्वका करिब ५० मुलुकले सो भाइरस फैलिने डरले बेलायतमा यात्रा प्रतिबन्ध लगाएका छन् ।
