शनिबार, माघ ३ २०७७ | Sat, January 16, 2021
नेपालको समय: २०:२२ | UK Time: 14:37

बेलायतकी महारानीबाट पाएको सम्मान अस्वीकार गर्नेहरु बढे

वीनेपाली
२०७७ मंसिर १८ गते १०:२७

चर्चित धावक मो फराह महारानीबाट सम्मानित हुँदै

लण्डन । बेलायती महारानीबाट सम्मान पाउनुलाई प्रतिष्ठाको उच्च कोटीमा राखिने गरिन्छ तर विगत केही वर्षयता त्यस्तो सम्मान अस्वीकार गर्नेहरुको संख्या बढिरहेको पाइएको छ ।

बेलायतको ‘द गार्जियन’ पत्रिकाले सूचनाको हकको प्रयोग गरी प्राप्त गरेको तथ्यांकलाई विश्लेषण गर्दा यस्तो क्रम देखिएको हो ।

सन् २०११ यता ४४३ जनाले महारानीबाट प्राप्त सम्मान थाप्न इन्कार गरेका छन् ।

यस वर्षमात्र ६८ जनाले यस्तो सम्मान इन्कार गरेका थिए । गत वर्ष पनि ५० जनाले सम्मान अस्वीकार गरेका थिए । तर यस्तो सम्मानको घोषणा गर्नु अघि नै सम्बन्धित व्यक्तिलाई सम्मान स्वीकार गर्ने/ नगर्ने सोधिने भएकाले त्यतिबेलै कतिपयले अस्वीकार गर्ने गरेका पनि छन् । तिनीहरुको संख्या तथ्यांकमा समावेश छैन ।

चर्चित फिल्म स्लमडग मिलिनियरका निर्देशक ड्यानी बोयलले पनि यस्तो सम्मान अस्वीकार गरेका थिए । साहित्यकार रोल्ड डाहल, सेफ नाइजेला लासन,  फुटबलर होवार्ड गेल, कवि वेन्जामिन जेफानिया, अभियन्ता जीना मार्टिन, वाच डग कार्यक्रमकी प्रस्तोता लिन फल्डस आदिले पनि त्यस्तो सम्मान अस्वीकार गरेका छन् ।

बर्मिङहाम सिटी विश्वविद्यालयका प्रोफेसर केहिन्डे आन्ड्रयू कतिपय अहिले नरहेका साम्राज्यका नाममा सम्मानहरु दिइएका कारण त्यस्तो सम्मान अस्वीकार गरिएको हुनसक्ने बताउँछन् । पूर्व सांसद नोर्मान बेकर राजनीतिक पार्टीका नेताहरुले दुरुपयोग गरेकाले त्यस्ता सम्मानको महत्व घट्दै गएको बताउँछन् ।

कतिपयले सम्मानको छनौट विधि पारदर्शी नभएको र चन्दादाताले त्यस्तो सम्मान किन्ने गरेको आरोप लगाउने गर्दछन् ।

बेलायतमा बिगत ७०० वर्षदेखि महारानीबाट सम्मान दिइँदै आएको छ ।

सम्मान अस्वीकारको प्रवृत्ति

Year Total honours offers Honours received Honours offers rejected % rejected
2020 2,504 2,436 68 2.715654952
2019 2,321 2,271 50 2.15424386
2018 2,282 2,231 51 2.234881683
2017 2,414 2,360 54 2.236951118
2016 2,379 2,345 34 1.429171921
2015 2,370 2,327 43 1.814345992
2014 2,387 2,344 43 1.801424382
2013 2,448 2,403 45 1.838235294
2012 2,215 2,185 30 1.354401806
2011 1,987 1,962 25 1.258178158
2010 2,000 1,954 46 2.3

Source: The Guardian

प्रतिक्रिया

सम्बन्धित सामाग्री

फेसबुक