आइतबार, मंसिर १४ २०७७ | Sun, November 29, 2020
नेपालको समय: ०९:३९ | UK Time: 03:54

कोरोनाका बेला पार्टी आयोजना गर्ने विद्यार्थीलाई ४० हजार पाउण्ड जरिवाना

वीनेपाली
२०७७ कार्तिक ६ गते ९:५८

लण्डन । बेलायत सरकारले कोरोना नियन्त्रणका लागि बनाएको नियम पालना नगरी पार्टी आयोजना गर्ने चार जना विद्यार्थीलाई प्रहरीले जनही १० हजार पाउण्ड जरिवाना गरेको छ ।

बीबीसीका अनुसार नट्टिङघमको किमबोल्टन एभेन्यू क्षेत्रमा नियमित गस्ती गरिरहेको बेला प्रहरीले पार्टी आयोजना गरेको थाहा पाएको थियो तर सोधपुछ गर्दा सबै जना घर फर्किसकेको भनी आयोजकले ढाँटेका थिए । पछि प्रहरीले घरभित्र छापा मार्दा ३० जना लुकिरहेको भेटेको थियो । प्रहरीले विद्यार्थीहरुलाई भान्समा, सुत्ने कोठामा, भूइँतल्लामा लुकिरहेको पाएको थियो ।

नट्टिङघम ट्रेण्ट विश्वविद्यालयले तेस्रो वर्षका ती विद्यार्थीहरुलाई निलम्बन गरेको बताएको छ ।

नट्टिङघमममा अक्टोबर १४ देखि एकाघरबाहेक अन्यसित घरभित्र भेट्न प्रतिवन्ध लगाइएको छ ।

नट्टिङघम बेलायतमा कोरोना भाइरसको उच्च संक्रमण भएको क्षेत्रमध्येमा पर्छ । सरकारले सो क्षेत्रलाई टियर ३ मा राख्ने तयारी गरिरहेको बुझिएको छ ।

प्रहरीका सहायक प्रमुख कन्सटेवल केट मेनेलले प्रहरीलाई जरिवाना गराउँदा खुशी नलागेको र मानिसहरुले कोरोना नियन्त्रणको नियम पालना नगर्दा धेरैको ज्यान जान सक्ने खतरा रहेको बताइन् ।

नट्टिङघम ट्रेण्ट विश्वविद्यालयका प्रवक्ताले कोरोना भाइरस नियन्त्रणको नियम उल्लंघन गर्ने विद्यार्थीलाई अनुशासनको कारबाही गरिने र निष्कासन समेत गर्न सक्ने प्रावधान रहेको बताएका छन् ।

प्रतिक्रिया

सम्बन्धित सामाग्री

फेसबुक