एनसिआइद्वारा अनुशासन र व्यापार उपसमिति गठन

लण्डन । नेपाल कोअपरेटिभ इन्भेष्टमेण्ट (एनसिआइ) ले अनुशासन र व्यापार उपसमिति गठन गरेको छ ।

एनसिआइका अध्यक्ष मोहन गुरुङको अध्यक्षतामा हालै बसेको बैठकले बालजंग अर्याल, कमल भण्डारी र पशुपति भण्डारी रहेको अनुशासन समिति तथा सूर्य गुरुङ-२, सुरोज मास्के र जीत रानाभाट रहेको व्यापार समिति गठन गरेको छ ।

बैठकले बोर्ड सदस्यमा चयन हुनुभएकोमा तिलकराम भट्टराईलाई बधाई ज्ञापन गर्यो भने यसै महिनाको अन्त्यसम्ममा सबै सेयर सदस्यहरुलाई सेयर प्रमाणपत्र पुर्याउने निर्णय पनि गरेको छ । बैठकले हरेक महिना बोर्ड बैठक बस्ने पनि निर्णय गरेको छ ।

बैठकमा बोर्ड सदस्यसचिव डा मुकुन्द बाँस्तोला, कोषाध्यक्ष एलएन पाण्डे, टीकाराम सापकोटा र तिलकराम भट्टराईको उपस्थिति रहेको थियो ।