अल्डरसटमा हराएकी देवी लिम्बु सकुशल भेटिइन् (अपडेट)

लण्डन । अल्डरसटबाट शुक्रबार साँझदेखि नेपाली महिला देवी लिम्बु सकुशल फेला परेकी छिन् ।

ह्याम्पसायर प्रहरीका अनुसार ६५ वर्षीया लिम्बु सकुशल फेला परेकी छिन् ।

स्थानीय नेपाली कम्युनिटी ग्रेटर रसमुर नेपलिज कम्युनिटीका अध्यक्ष रामधन राईका अनुसार भर्खरै नेपालबाट आएकी उनी बाटो भुलेर आफन्तकहाँ पुगेकी थिइन् । आफ्नो परिवारको सम्पर्क नम्बर नभएका कारण उनी सम्पर्कविहीन भएकी बताइएको छ ।

राईले भने, ”मैले भर्खरै उहाँको आफन्तसँग बोलेँ । उहाँ सकुशल घर फर्किसक्नुभएको छ । प्रहरीलाई पनि यसबारेमा खबर गरिसकिएको छ।”

यसअघि प्रहरीले शुक्रबार साँझ ५ बजे अल्डरसटको क्वीन्स रोडबाट सम्पर्कविहीन भएको बताएको थियो ।

प्रहरीले उनको सुरक्षाका बारेमा चासो व्यक्त गर्दै सर्वसाधारणलाई उनका बारेमा जानकारी दिन अनुरोध गरेको थियो ।