बीबीसीका पत्रकार खड्कालाई पितृशोक

लन्डन । बीबीसी विश्व सेवाका वातावरण संवाददाता तथा अग्रज पत्रकार नवीन सिंह खड्कालाई पितृशोक परेको छ । पत्रकार खड्काका पिता पुरन सिंह खड्काको ७६ वर्षको उमेरमा बुधबार राति काठमाडौँमा निधन भएको हो ।

उनी लामो समयदेखि छाती र फोक्सोसम्बन्धि रोगबाट पीडित थिए । उनको उपचारका क्रममा काठमाडौँस्थित ओम हस्पिटलमा निधन भएको हो ।

यसैवीच, नेपाल पत्रकार महासंघ बेलायत शाखाले खड्काको निधनप्रति दुःख व्यक्त गर्दै श्रद्धान्जलि व्यक्त गरेको छ । शाखा अध्यक्ष नरेश खपाङ्गीमगरद्वारा शनिबार जारी एक शोक वक्तव्यमा स्वर्गीय खड्काको आत्माको चिरशान्तिको कामना गरिएको छ ।