बेलायतमा पव, रेष्टुराँहरुमा राति १० बजे पछि कर्फ्यू

लण्डन । बेलायतमा कोरोना भाइरसको संक्रमण पुन बढ्न थालेपछि सरकारले नियन्त्रणका लागि कडा योजना ल्याएको छ ।

बेलायती प्रधानमन्त्री बोरिस जोन्सनले आज बेलायतको संसदमा बोल्दै ती योजना प्रस्तुत गरेका हुन् ।

प्रधानमन्त्री जोन्सनले सम्भव भए घरबाटै काम गर्न कामदारहरुलाई अनुरोध गरेका छन् ।

यसैगरी, मास्क नलगाएमा वा ६ जनामात्र भेला हुन पाउने नियम (रुल अफ सिक्स)उल्लंघन गरेमा २०० पाउण्डसम्म जरिवाना हुने बताएका छन् । इङल्याण्डमा बारका कर्मचारी, पसलका कामदार, रेस्टुरेन्टका वेटर , ट्याक्सी ड्राइभरहरुलाई मास्क लगाउन अनिवार्य गरिएको छ ।

यस्तै, पव, रेस्टुरेन्टहरुमा राति १० बजेदेखि कर्फ्यू घोषणा गरिएको छ । यो नियम यही विहीबारदेखि लागू हुने छ । टेक वे भने राति १० बजेपछि पनि खोल्न पाइने छ ।

यस्तै, वैवाहिक समारोहमा १५ जनासम्म मात्र भेला हुन पाउने छन् । यसअघि ३० जनासम्म भेला हुन पाउँथे । अन्तिम सँस्कारमा भने ३० जनालाई नै भेला हुन दिइने भएको छ ।

नयाँ प्रावधानहरु ६ महिनासम्म रहन सक्ने बताइएको छ ।

प्रधानमन्त्रो जोन्सनले थप प्रावधानहरुसहित आज साँझ ८ बजे देशवासीका नाममा सम्बोधन गर्ने कार्यक्रम छ ।