शुक्रबार, कार्तिक ७ २०७७ | Fri, October 23, 2020
नेपालको समय: ००:३८ | UK Time: 19:53

इङल्याण्डमा अक्टोबरको दोस्रो साता दैनिक कोरोना संक्रमण ५० हजार पुग्ने

वीनेपाली
२०७७ असोज ५ गते ११:५०

photo skynews

लण्डन । इङल्याण्डमा अहिलेकै दरमा भाइरस संक्रमण कायम रहे अर्को महिनाको दोस्रो सातामा दैनिक ५० हजार संक्रमित हुने अनुमान गरिएको छ ।

सोमबार बेलायती प्रधानमन्त्रीको कार्यालयमा आयोजित कार्यक्रममा सरकारका वैज्ञानिक सल्लाहकार सर प्याट्रिक भ्यालेन्सले अहिले इङ्ल्याण्डमा दैनिक ६ हजार संक्रमित थपिइरहेको र हरेक साता संक्रमितको संख्या दोब्बर हुँदै गरेको बताए ।

उनले अहिलेकै गतिमा भाइरस संक्रमण फैलिइरहेमा नोभेम्बरको दोस्रो सातामा दैनिक २०० जनाको भाइरसका कारण ज्यान जान सक्ने पनि उनले ओैंल्याए ।

इङ्ल्याण्डमा ८ प्रतिशतभन्दा कम्ती जनसंख्यामा एण्टीबडी भेटिएको उल्लेख गर्दै उनले लण्डनमा करिब १७ प्रतिशतमा एण्डीबडी भेटिएको जानकारी दिए ।

भाइरसको संक्रमणको गति हेर्दा तत्काल आवश्यक कदम लिनपर्ने पनि उनले बताए ।

प्रमुख मेडिकल अफिसर प्रोफेसर क्रिस ह्वीट्टीले भाइरसका कारण अस्पताल भर्ना हुनेको संख्या सेप्टेम्बर १ देखि बढिरहेको जानकारी दिए । हरेक साता अस्पताल भर्ना हुनेको संख्या दोब्बर हुँदै गरेको पनि उनले बताए ।

उनले जाडो याममा कोरोना भाइरससितको लडाइँ सजिलो नभएको उनले बताए । जाडो यामका कारण देखिने भाइरसबाट कोरोना भाइरसले फाइदा लिनसक्ने सम्भावना उनले औैल्याए ।

प्रतिक्रिया

सम्बन्धित सामाग्री

फेसबुक