सोने युकेको अध्यक्षमा संयुक्त श्रेष्ठ

लण्डन । बेलायतमा रहेका नेपाली ईन्जिनियरहरुको संस्था सोसाइटी अफ नेपलिज इन्जिनियर्स एसोसिएन (सोने युके) को चौथो कार्यसमिति स‌ंयुक्त श्रेष्ठको अध्यक्षतामा गठन गरिएको छ ।

सोसाइटीको अगष्ट २९ मा भएको भर्चुअल साधारणसभाले श्रेष्ठको अध्यक्षतामा नयाँ कार्यसमिति चयन गरेको हो ।

सोसाइटीको नयाँ नेतृत्व चुनावी प्रक्रियाबाट भएको थियो । जसमा अध्यक्ष पदमा श्रेष्ठले १५८ मत पाए भने उनका निकटतम प्रतिद्वन्द्वी सुबोध तिमिल्सिना थिए । यस्तै उपाध्यक्ष पदमा नारद भण्डारी निर्विरोध भए भने महासचिव पदमा डा विदुर घिमिरे १०५ मत पाएर निर्वाचित भए । सचिव पदमा डा रोशन भट्टराई १८१ मतका साथ चुनिए भने कोषाध्यक्षमा श्रीमती रश्मीसिंह राणा निर्विरोध निर्वाचित भइन् ।

यस्नै सदस्यहरुमा हरि नेपाल, सुश्री मेघा पौडेल, सुश्री प्रियंका रेग्मी र विशाल राना निर्वाचित भएका छन् ।

कुल २४२ सदस्य रहेकोमा २४१ जनाले मताधिकार प्रयोग गरेका थिए ।

नवनिर्वाचित कार्यसमितको कार्यकाल दुई वर्षको रहनेछ ।

सोसाइटीका अध्यक्ष शैलेन्द्रकाजी श्रेष्ठको अध्यक्षता र महासचिव उमेश पराजुलीको सन्चालनमा साधारण सभा भएको थियो ।