लण्डन । बेलायतकी पूर्व युवराज्ञी डायनाको शालिक अर्को वर्ष अनावरण हुने भएको छ ।
स्वर्गीय डायनाका छोराहरु युवराज विलियम र पूर्व युवराज ह्यारीको संयुक्त निर्देशनमा बन्न लागेको सो शालिक डायनाको ६० ओैं जन्मोत्सवको अवसर पारेर अनावरण गरिने बताइएको छ ।
उनको निधनको २० ओें वर्षगाँठको अवसरमा सो शालिक अनावरण गर्ने पूर्व उद्देश्य भए पनि कोरोना महामारीका कारण अर्को वर्षलाई सारिएको हो ।
युवराज विलियमको कार्यालय केन्जिङटन पालेसका अनुसार अब १ जुलाई २०२१ मा सन्केन गार्डेनमा सो शालिक अनावरण गरिने छ ।
सो शालिक प्रख्यात कलाकार इयान र्यांक ब्रोडलीले बनाएका हुन् ।
