नयाँदिल्ली । विख्यात कलाकार अमिताभ बच्चन कोरोनालाई जितेर आज घर फर्केका छन् ।
आइतबार एक ट्वीट गर्दै उनले घरमा क्वारेन्टीमा फर्किएको बताएका छन् ।
उनी कोरोना संक्रमणका कारण गत जुलाई ११मा नानाभाती अस्पताल भर्ना भएका थिए । उनले अस्पताल बसाईमा सहयोगका लागि धन्यवाद दिएका छन् ।
७७ वर्षीय बच्चनको परिवारमा छोरा अभिषेक, बुहारी ऐश्वर्या र नातिनी समेतलाई कोरोना संक्रमण भएको थियो । उपचारपछि बुहारी र नातिनी गत हप्ता नै घर फर्किसकेका छन् भने अभिषेक भने अझै अस्पतालमै रहेका छन् ।
