बिहीबार, साउन २९ २०७७ | Thu, August 13, 2020
नेपालको समय: १७:०१ | UK Time: 12:16

गेसाेद्वारा नेपालमा अड्किएका वयोवृद्ध गोरखाबारे परराष्ट्र मन्त्रीको ध्यानाकर्षण

वीनेपाली
२०७७ असार २९ गते ११:३२

लण्डन । गोरखा भूतपूर्व सैनिक संघ (गेसो) ले कोरोनाका कारण नेपालमा अन्तर्राष्ट्रिय उडान बन्द हुँदा नेपालमा रोकिएका वयोवृद्ध गोरखा भूतपूर्व सैनिक र उनीहरुका परिवारको समस्याका बारेमा परराष्ट्र मन्त्रीलाई ध्यानाकर्षण गराएको छ ।

गेसो सभापति कृष्णकुमार राईले आज परराष्ट्र मन्त्री प्रदीपकुमार ज्ञवालीलाई भेटी सो समस्याका बारेमा सम्बन्धीत निकायमा परामर्श गरिदिन माग गरेका हुन् ।

बेलायतको नियम अनुसार पेन्सनरहरुले २८ दिनभन्दा बढी बेलायतबाहिर बसे उनीहरुले पाउने सुविधाहरु रोक्का हुन्छ ।

कोरोना भाइरसका कारण नेपालमा गत मार्चदेखि अन्तर्राष्ट्रिय विमानस्थल बन्द छ र नियमित उडान अझै शुरु हुन सकेको छैन ।

यसबाट बिदा मनाउन नेपाल गएका वयोवृद्ध गोरखा भूतपूर्व सैनिक तथा उनका परिवारहरुमा मानसिक चिन्ता परेको उल्लेख गर्दै गेसोले उनीहरुको समस्या समाधान गर्न सहयोगका लागि नेपाल सरकारलाई गुहारेको हो ।

प्रतिक्रिया

सम्बन्धित सामाग्री

फेसबुक