सोमबार, साउन २६ २०७७ | Mon, August 10, 2020
नेपालको समय: ०५:२१ | UK Time: 00:36

सेन्ट पल कथीड्रलमा बम विष्फोटको योजनाकार महिलालाई आजिवन कैद

वीनेपाली
२०७७ असार १९ गते १९:२४

लण्डन । लण्डनको केन्द्र भागमा रहेको सेन्ट पल कथीड्रलमा बम विष्फोटको योजना बनाउने महिलालाई अदालतले आजिवन कैदको सजायँ ठहर गरेको छ ।

पश्चिम लण्डनकी ३६ वर्षीया साफिया शेखले सो कथीड्रलको साथै होटल र लण्डन अण्डरग्राउण्डमा समेत बम विष्फोट गराउने योजना बनाएकी थिइन् ।

उनको योजना प्रहरीको प्रतिआतंकवाद सेलले विफल बनाएको थियो ।

न्यायाधीशले उनलाई कम्तीमा १४ वर्ष जेलमा बस्न आदेश दिएका छन् ।

कालो बुर्का लगाएकी उनले जेलतर्फ लैजाँदा मुस्कुराएको र ओैँला उठाएर स्यालुट गरेको बताइएको छ । उनी आतंकवादी समूह आइएसआइएसको सदस्य भएको बताइएकफ छ ।

गैरमुस्लिम परिवारमा जन्मिएकी उनी छिमेकीबाट प्रभावित भई मुस्लिम बनेकी थिइन् । उनको उग्रवादी सोचका कारण इमाम र अरुले प्रश्न गर्न थालेपछि सन् २०१६ देखि उनी मस्जिद जान छोडेकी थिइन् ।

उनी श्रील‌ंकामा क्रिस्मसको दिन भएको बम विष्फोटबाट प्रभावित भई सो योजनामा लागेको बताइएको छ ।

 

प्रतिक्रिया

सम्बन्धित सामाग्री

फेसबुक