शुक्रबार, असार १९ २०७७ | Fri, July 03, 2020
नेपालको समय: ०१:४३ | UK Time: 20:58

बेलायतमा एक साताको अन्तरमा श्रीमान-श्रीमतीको निधन

वीनेपाली
२०७७ जेठ २२ गते १४:०६

लण्डन । बेलायतमा एक साताको अन्तरमा एक दम्पत्तिको निधन भएको छ ।

म्याग्दी जिल्लाको दाना पुर्ख्यौली घर भई हाल गिल्फोर्डमा बस्दै आएका तामबहादुर तिलिजा र उनी श्रीमती बेलकुमारी तिलिजाको निधन भएको हो ।

क्वीन्स गोरखा सिग्नलका भूतपूर्व सैनिक कर्पोरल तामबहादुरको गिल्फोर्ड अस्पतालमा मे २८ तारिखका दिन निधन भएको थियो । उनको आर्मी नम्बर २११४७८२९ रहेको छ ।

उनी पत्नी बेलकुमारी तिलिजाको जुन ३ तारिखका दिन सोही अस्पतालनमा निधन भएको बताइएको छ ।

उनीहरुको मृत्युको कारण खुल्न बाँकी रहेको छ ।

फ्रेण्डली ब्रदर्स दाना सेरोफेरो युकेले तिलिजा दम्पत्तिद्वयको निधनप्रति श्रद्धान्जलि व्यक्त गर्दै शोक सन्तप्त परिवारजनमा समवेदना व्यक्त गरेको छ । उनीहरुले देखाएको अभिभावकत्व र मार्गनिर्देशन सधैँ समाजमा रहिरहने पनि शोक सन्देशमा उल्लेख छ ।

करिब ७५ वर्ष उमेर पुगेका दम्पत्ति गिल्फोर्ड छोरा छोरीको साथमा बसोबास गर्दै आएका थिए ।

उनीहरुको एक छोरा र तीन छोरी युकेमा रहेको बुझिएको छ ।

प्रतिक्रिया

सम्बन्धित सामाग्री

फेसबुक