सोमबार, जेठ १९ २०७७ | Mon, June 01, 2020
नेपालको समय: १९:०७ | UK Time: 14:22

ओएनयूएफ यूकेले शुक्रबार मोदीलाई ज्ञापन पत्र बुझाउने

वीनेपाली
२०७७ जेठ ८ गते ११:५३

लण्डन । प्रवासी नेपाली एकता मंच (ओएनयूएफ) यूकेले संयुक्त अधिराज्य बेलायतस्थित भारतीय हाई कमिशनलाई सीमा अतिक्रमणको विरोधमा हुलाक मार्फत ज्ञापन पत्र बुझाउन लागेको छ । ओएनयूएफका अध्यक्ष राजेन्द्र पुडासैनी तथा सचिव सुरेश गौतमसहित नेताहरुले आगामी २२ मे शुक्रबार रेनसलेनस्थित एक पोष्ट अफिस मार्फत भारतीय हाई कमिशनमा ज्ञापन पत्र पोष्ट गर्ने कार्यक्रम तय भएको छ । सो ज्ञापन पत्र बेलायतस्थित भारतीय हाई कमिशन हुदै भारतीय प्रधानमन्त्री नरेन्द्र मोदी समक्ष पुग्नेछ ।
अध्यक्ष पुडासैनी र सचिव गौतमले बेलायत सरकारद्वारा तोकिएको सोसियल डिस्ट्यासिङ कायम राखि ज्ञापन पत्र बुझाउन लागिएकाले उपलव्ध साथीहरुलाई रेनसलेन लण्डनमा दिउँसो ठिक १ बजे उपस्थित हुन अनुरोध समेत गरेका छन । बेलायत अझै लकडाउनमा रहेकाले सीमित साथीहरुको सहभागीतामा ज्ञापन पत्र हुलाक मार्फत बुझाउन लागिएको अध्यक्ष पुडासैनीले बताए ।

गत आइतबार बसेको प्रवासी नेपाली एकता मंच यूकेको बैठकले भारत सरकारले लिम्पियाधुरा, लिपुलेखमा नेपाली भूमी अतिक्रमण गरी चिन हुदै तिव्बतको मानसरोवर बाटो खोलेको थियो । सो अतिक्रमणको विरोधमा नेपाल सरकारले आफ्नो भूभाग भएको जनाउदै नक्सा समेत जारी गरेको छ । नेपाल सरकारको नयाँ नक्सा जारी गर्ने निर्णयको चौतर्फी स्वागत गरिएको थियो भने सीमा अतिक्रमणको विरोधमा विदेशस्थित नेपाली संघसंस्थाहरुले आ-आफ्नो मुलुकमा रहेका भारतीय दुतावासमा मार्फत भारतीय प्रधानमन्त्री मोदीलाई ज्ञापन पत्र बुझाई रहेका छन ।

प्रतिक्रिया

सम्बन्धित सामाग्री

फेसबुक