इंग्ल्याण्ड र नेपाली फुटबल टिमबीचको मैत्रीपूर्ण खेल २५ मेमा

लन्डन । इंग्ल्याण्ड सी र नेपाली राष्ट्रिय फुटबल टिमबीचको मैत्रीपूर्ण खेल आगामी २५ मे सोमबार (बैंक होलिडे) का दिन हुने भएको छ । यसअघि ३० मे, २०२० मा हुने भनिएपनि नेपाली टिमको समय नमिल्दा मिति सारिएको हो । खेल अल्डरसट टाउन फुटबल क्लवमा दिउसो हुनेछ । इंग्ल्याण्ड फुटबल एसोसिएसनले उक्त मैत्रीपूर्ण खेलमा ३० हजार भन्दा बढि दर्शक अपेक्षा गरेको छ ।

बेलायत नेपाल कुटनीतिक सम्बन्ध स्थापनाको २०३ वर्षे इतिहासमा नेपाली राष्ट्रिय फुटबल टिम बेलायत आएर खेल्न लागेको यो पहिलो हो । राजदूत डा. दुर्गाबहादुर सुवेदीले यसलाई ऐतिहासिक उपलब्धि भन्दै आएका छन् । यस मैत्रीपूर्ण खेल सफल बनाउन इंग्ल्याण्ड फुटबल एसोसिएसन, राजदूत डा. सुवेदी, सहारा यूके र एन्फाको सक्रियता छ । आयोजकले उक्त खेलमा दर्शक जुटाइदिन विभिन्न संघसंस्थासंग अपिल गरेका छन् ।

यो अवसरले नेपाली खेलाडीलाई प्रोत्साहन हुनुका साथै खेल विकास र दुई देशबीचको सम्बन्ध थप प्रगाढ हुने अपेक्षा राजदूत डा. सुवेदीको छ ।

त्यस्तै सन् २०२१ मा इंग्लिस फुटबल टोलीले नेपाल गएर खेल्ने भएको छ ।

प्रतिक्रिया

सम्बन्धित सामाग्री