बुधबार, माघ ५ २०७८ | Wed, January 19, 2022
नेपालको समय: ०४:११ | UK Time: 22:26

काउन्सिल बैठकमा भाग लिन एनआरएनए केन्द्रिय उपाध्यक्ष पन्त लन्डन आइपुगे

वीनेपाली
२०७५ असोज १२ गते २३:४६

लन्डन । गैर आवासीय नेपाली संघ बेलायत (एनआरएनए यूके) को शनिबार हुने पाचौं काउन्सिल बैठकमा भाग लिन एनआरएनए केन्द्रिय उपाध्यक्ष कुमार पन्त शुक्रबार राती लन्डन आइपुगेका छन् । ‘टर्मिनल टु’ मा उत्रिएका एनआरएन अगुवा पन्तलाई ‘रिसिभ’ गर्न एनआरएनए केन्द्रिय उपाध्यक्ष कुल आचार्य, एनआरएनए यूके उपाध्यक्ष शेर सुनार, उपमहासचिव विनय अधिकारी, धर्म विभाग संयोजक होमनाथ पौडेल, आईसिसी सदस्य रामशरण सिम्खडा, एनआरएनए अगुवाहरु चिरन्जिबी ढकाल, राजेन्द्र पुडासैनी, कृष्ण तिमल्सिना, हिराधन राई, बिजन भटट, थर्क सेन, बिरेन खड्का, हेम गुरुङ, रोजिना प्रधान राईलगायत संचारकर्मी विमानस्थल पुगेका थिए ।

विमानस्थलमा कुरा गर्दै उपाध्यक्ष पन्तले बेलायत एनसीसी विश्वका ७९ मध्ये विशेष सक्रिय र एनआरएन ‘उद्गम थलो’ यहीं भएकाले भ्रमण अविष्मरणीय हुने बताए । उनले केन्द्रिय भवन र शंकमुल पार्क प्रोजेक्ट अक्टोबर ११ मै सक्ने हिसाबले काम भइरहेको पनि जनाए ।

तस्बिर शंकर श्रेष्ठ

काउन्सिल बैठक २९ सेप्टेम्बर बिहान ११ बजेदेखि अल्डरसटस्थित एम्पायर हलमा हुने तयारी छ । विधानमै दुई वर्ष कार्यकालभित्र एकपटक काउन्सिल बैठक गर्नुपर्ने प्रावधान छ ।

एनआरएनए यूकेले अहिले उक्त कार्यक्रममा खर्च धेरै हुने भन्दै भाइबर ग्रुपमा आर्थिक संकलन गरिरहेको छ ।

बैठकको संयोजन गरिरहेकी एनआरएनए यूके उपाध्यक्ष पुनम गुरुङले सम्पूर्ण तयारी पुरा भएको जनाइन् । उनले बेलायतका करिब दुई सय संस्थालाई औपचारिक रुपमा आमन्त्रण गरिएको र आधा जसोले सहभागिताको प्रतिवद्धता जनाएको पनि बताइन् ।

संयोजक गुरुङले दोहोरो नागरिकता, नेपालीको वेलफेयर, च्यारिटी आदि विषयमा छलफल हुने जनाएकी छन् ।

बैठकमा सहभागी विभिन्न नेपाली संघसंस्थाका प्रतिनिधिहरुको सुझावलाई संघले कार्यान्वयनका लागि पहल गर्नेछ ।

तस्बिर- शंकर श्रेष्ठ/शिव भण्डारी 

प्रतिक्रिया

सम्बन्धित सामाग्री

फेसबुक