स्कटल्याण्ड राज्य परिषद्को अध्यक्षमा मोहन कार्की

लन्डन । गैरआवासीय नेपाली संघ यूकेले स्कटल्याण्ड राज्य परिषद्को अध्यक्षमा मोहन कार्कीलाई चयन गरेको छ । विहीवार बेलायतको अल्डरसटमा बसेको संघको वैठकले सहमतिमै कार्कीलाई चयन गरेको हो । एनआरएनए यूकेलाई क्षेत्रिय स्तरमा विस्तार गर्ने क्रममा स्कटल्याण्ड राज्यपरिषद् गठन गरिएको हो । अध्यक्ष पदमा भोला खनाल, यज्ञमुर्ति ढकाल र कार्कीको दावी रहेपनि अन्तिम समयमा कार्कीमा सहमति जुटेको थियो । राज्य परिषद्को संरक्षकमा खनाल र ढकाललाई राखिएको छ ।

उक्त सहमतिका लागि संघ अध्यक्ष योगकुमार फगामीसहित प्रमुख संरक्षक रिटायर्ड मेजर डमर घलेलगायतले पहल गरेका थिए ।

उपाध्यक्षमा नारायण पहारी र काशीराम भण्डारी, सचिवमा कृष्ण दाहाल, सहसचिवमा दीवाकर पाण्डे, कोषाध्यक्षमा धनबहादुर केसी, सहकोषाध्यक्षमा यदुमणि सापकोटा चयन भएका छन् । कार्यसमितिको सदस्यहरुमा रामप्रसाद बगाले, विजयमान डंगोल, उज्वल कार्की, गोविन्द खरेल, सुशीला गैरे, लक्ष्मी शर्मा सापकोटा, भोजराज खरेल, अन्जली चापागाईं, बलराम पौडेल, डिलाराम गैरे, कृष्ण देवकोटा र मनिष खत्री चयन भए ।

नवनिर्वाचित अध्यक्ष कार्कीले केन्द्रको विधानलाई मानेर सबैलाई संगठित गर्ने प्रतिवद्धता जनाए ।