मंगलबार, असोज १३ २०७७ | Tue, September 29, 2020
नेपालको समय: १०:४६ | UK Time: 06:01

दक्षिण कोरियालाई हराउंदै स्वीडेन १–० ले विजयी

वीनेपाली
२०७५ असार ४ गते १६:१२

मस्को-विश्वकप फुटवल प्रतियोगिता अन्तर्गत सोमबार भएको पहिलो खेलमा स्वीडेन विजयी भएको छ ।

खेल सुरु भएको ६४ औं मिनेटमा स्वीडेनका एन्ड्रेस ग्रान्क्वीष्टले पेनाल्टी मार्फत् गोल गरेका थिए । त्यही गोल नै स्विडेनको जीतका लागि निर्णायक हुनपुग्यो । गोल गरेपछि रक्षात्मक खेल खेलेको स्वीडेनले दक्षिण कोरियालाई गोल गर्ने अवसरबाट रोक्न सफल भयो ।

कोरियाली खेलाडीहरुले पटक पटक पाएको निकै राम्रा मौकाहरूलाई उपयोग गर्न असफल रहे । अन्ततः स्वीडेनले आफ्ना समर्थकहरूलाई खुशी पार्न सक्षम भयो । खेलमा दुवै देशका खेलाडीहरूले निकै मेहनत गरेका थिए ।

रुसको निज्नी नोभोगोरोट रंगशालामा नेपाली समय अनुसार बेलुका पौने छ बजेदेखि खेल सुरु भएको थियो ।

रुसमा भएको प्रतियोगिता अन्तर्गत सोमबार नै पौने नौ बजे बेल्जियमसँग पानामा र पौने १२ बजे ट्युनिसियासँग इङ्ल्याण्डले खेल्ने तालिका छ ।

प्रतिक्रिया

सम्बन्धित सामाग्री

फेसबुक