प्रवासी नेपाली मंच, फ्रान्सको अध्यक्षमा वाग्ले

पेरिस । प्रवासी नेपाली मञ्च, फ्रान्सको अध्यक्षमा भक्तबहादुर वाग्ले चयन भएका छन् । फ्रान्सको पेरिसमा आइतबार सम्पन्न पहिलो अधिबेशनले वाग्लेको अध्यक्षतामा नयां कार्यसमिति चयन गरेको हो । उपाध्यक्षद्धयमा अरुण गुरुङ र राम लामिछाने, महासचिवमा मिलन तामाङ, सचिवमा हेमेन्द्र क्षेत्री र कोषाध्यक्षमा लालवहादुर सोडारी छन् ।

त्यस्तै सदस्यमा घनश्याम पौडेल, दिनेश सुवेदी र अनिल गुरुङ चुनिए । अन्य सदस्यहरु पछि थप गरिने जनाइएको छ ।

कार्यक्रम उद्घाटन गर्दै प्रमुख अतिथि एमाले महासचिव इश्वर पोखरेलले राष्ट्र निमार्णको जिम्मा एमालेको काँधमा आएको बताए । युरोप इन्चार्ज रामकुमारी झांक्रीले नेपालमा एमाले नेपाली राजनीतिको केन्द्रमा रहेको जनाइन् । कार्यक्रममा प्रवासी नेपाली मञ्च बेलायतका अध्यक्ष राजेन्द्र पुडासैनीले अधिवेशन सफलताको शुभकामना व्यक्त गरेका थिए ।