मंगलबार, असोज ६ २०७७ | Tue, September 22, 2020
नेपालको समय: ०१:३७ | UK Time: 20:52

भरतपुरलाई एशियाकै नमूना महानगर बनाउंछु – रेणु

वीनेपाली
२०७४ साउन २३ गते ०:४५

भरतपुर महानगरपालिकाका नवनिर्वाचित प्रमुख, उपप्रमुख र वडा अध्यक्षहरुलाई आइतबार जिल्ला समन्वय समिति चितवनको सभाहलमा आयोजित कार्यक्रममा शपथ ग्रहण गराउनुहुँदै मुख्य निर्वाचन अधिकृत कविप्रसाद न्यौपाने । तस्बिरः नारायण अधिकारी, चितवन, रासस

चितवन, २२ साउन । भरतपुर महानगरपालिका प्रमुख रेणु दाहालले भरतपुर महानगरलाई देशकै र एशियाकै नमूना महानगरका रुपमा विकास गरिने बताउनुभएको छ ।

निर्वाचनमा विजय भएपछि यहाँ आज आयोजित पदयात्रामा सहभागीलाई सम्बोधन गर्दै उहाँले प्राकृतिक सम्पदा र सुगमताका हिसाबले महत्वपूर्ण क्षेत्र भरतपुर नगरवासीको सुझाव र सल्लाहअनुरुप नै आफू अघि बढ्ने बताउनुभयो ।

कार्यक्रममा नगर उपप्रमुखमा विजयी पार्वती शाहले जनताले दिएको मतको कदर गर्दै अबको पाँच वर्षमा नमूना नगर बनाउन आफूहरु सक्रिय रुपमा लाग्ने प्रतिबद्धता व्यक्त गर्नुभयो ।

भरतपुर महानगरपालिकाको प्रमुखमा रेणु दाहाल र उपप्रमुखमा पार्वती शाह निर्वाचित भएपछि आइतबार भरतपुरमा निकालिएको विजयोत्सव । तस्बिर ः नारायण अधिकारी, चितवन, रासस

सभालाई सम्बोधन गर्दै नेकपा(माओवादी केन्द्र)का स्थायी कमिटी सदस्य अमिक शेरचनले उहाँले सिंहदरबारको अधिकार गाउँसम्म पुरयाउन अहिलेको नेतृत्व सफल हुने विश्वास व्यक्त गर्नुभयो । नेपाली काँग्रेस चितवनका सभापति जीतनारायण श्रेष्ठले सुशासन कायम गर्दै जनाकांक्षा बुझेर काम गर्न पदाधिकारीलाई सुझाव दिनुभयो ।

स्थानीय चौबीसकोठीमा भेला भएर सुरु भएको पदयात्रा नारायणगढको पुल्चोक पुगेको थियो । पदयात्रामा महानगरका सबै वडाबाट निर्वाचित प्रतिनिधिसहित काँग्रेस र माओवादी केन्द्रका नेता तथा कार्यकर्ता सहभागी थिए ।

प्रतिक्रिया

सम्बन्धित सामाग्री

फेसबुक