युद्धग्रस्त यमनमा हैजाबाट एघार सय बढिको मृत्यु

साना, ६ असार । युद्धग्रस्त देश यमनमा हैजाबाट १ हजार १४६ को मृत्यु भएको मङ्गलबार सार्वजनिक तथ्याङ्कमा उल्लेख छ ।

विश्व स्वास्थ्य संगठन (डब्लूएचओ) ले मङ्गलबार सार्वजनिक गरेको यस प्रतिवेदनअनुसार गत अप्रिल २७ बाट सुरु भएको यस हैजाको प्रकोपबाट १ हजार १४६ जनाको मृत्यु भएको छ ।

साथै यस प्रकोपबाट अरु १ लाख ६६ हजार ९७६ जना प्रभावित भएका थिए । ती विरामीहरु अधिकांश उपचारपछि घर फर्किएका छन् भने अरु केही उपचाररत छन् ।

हाल सरकारको अधिनमा रहेको रहेका यमनका २३ प्रान्तहरु मध्ये २० वटामा भएको यस प्रकोप फैलिएको विश्व स्वास्थ्य संगठनले आफ्नो वेबसाइटमार्फत जानकारी दिएको छ ।

गत अप्रिल २७ देखि हालसम्म २० वटा प्रान्तमा भएको यो प्रकोप उच्च गतिमा फैलिएको  बताइएको छ ।

यस महिनाको सुरुमा संयुक्त राष्ट्रसंघीय बालकोष (युनिसेफ) ले दुई हप्तामा यस रोगबाट प्रभावितहरुको संङ्ख्या १ लाख ३० हजार पुग्ने अनुमान गरेको थियो ।

तर गत महिना विश्व स्वास्थ्य संगठनले अगामी ६ महिनाभित्र यो संङ्ख्या ३ लाख पुग्ने बताएको थियो । अझै पनि यसको प्रकोप कम भएको छैन ।