कलाकार मेलिना राई र रेवत राई युके आउँदै

लन्डन । सांगीतिक कार्यक्रमका लागी गायिका मेलिना राई र अर्का प्रतिभाशाली गायक रेवत राई युके आउने भएका छन ।
इ मिडिया हब लिमिटेड युकेको आयोजनामा हुन लागेको मनोरन्जनात्मक सांगीतिक कार्यक्रममा भाग लिन उनीहरु युके आउने इन्टरटेनमेन्ट सेलका प्रमुख गायक किसन राईले जानकारी दिए ।

युवा प्रतिभाहरु समेटेर कार्यक्रम आयोजना गर्न युवामाझ अत्यन्तै लोकप्रिय ब्लगर तथा कार्यक्रम सञ्चालक लेक्स लिम्बु र २०१४ कि मिस युके नेपाल निया देवानले कार्यक्रम सञ्चालनको जिम्मा लिएका छन् । अर्की परिचित अनुहार ‘युके डान्स अफ २०१६’ विजेता जेन्नी सुनुवार ईडवार्डले नृत्य प्रस्तुत गरेर मनोरन्जन प्रदान गर्ने छिन् ।

इन्टेक बिट्सका गायक गोम्जा लामाले पनि नेपालबाट आउने गायक गायिका संगै आफ्नो लोकप्रिय गीतहरु पस्कने छन् ।

युकेका नेपाली युवालाई नेपाल अनि नेपाली भाषा, कला र संगीतप्रति रुची जगाउँदै कालान्तरसम्म जोडिराख्न इमिडिया हब लिमिटेड युकेले कार्यक्रम राखेको सिइओ तथा गीतकार ईश्वर चाम्लिङले स्पष्ट पारे । इमिडिया हबले नेपाली मुलका बेलायती युवा र नेपालको सम्बन्ध सुमधुर बनाई राख्न निकट भविष्यमा ‘एभरेष्ट आइडल’ र ‘एभरेष्ट अवार्ड’ जस्ता कार्यक्रम गर्ने समेत उनले बताए ।

‘एभरेष्ट म्युजिकल ब्लाष्ट’ मे २० देखि अल्डरसटबाट शुरु भएर युकेका अन्य स्थानमा लगातार मे र जुन महिनाभर कार्यक्रम आयोजना हुने आयोजकले जनाएका छन् ।