तस्विरः नागरिक
लन्डन । केही दिन अगाडि लन्डनस्थित आफ्नै घरको बाथरुममा झुण्डिएर आत्महत्या गरेका चर्चित रयाप गायक अनिल अधिकारी ‘यमबुद्ध’ को शव शनिबार नेपाल पुरयाएपछि अन्त्येष्टि गरिएको छ ।
गत माघ १ गते मृत्यु भएका २९ वर्षीय यमबुद्धको पार्थिव शरीर लन्डनबाट शनिबार दिउँसो त्रिभुवन अन्तराष्ट्रिय विमानस्थल पुरयाइएको थियो ।
राससका अनुसार, उनको पार्थिव शरीर श्रद्धाञ्जलि दिन नेपाल प्रज्ञा–प्रतिष्ठानमा राखिएको थियो । श्रद्धाञ्जलिका लागि उक्त स्थानमा आफन्त, इष्टमित्र, राष्ट्रिय प्रजातन्त्र पार्टीका अध्यक्ष कमल थापा, कलाकार लगायतको सहभागिता थियो । उनको पशुपति आर्यघाटमा हिन्दू परम्पराअनुसार शनिबार साँझनै अन्त्येष्टि गरिएको छ ।
