लन्डन । पेशाले उनी बेलायतको डेन्टल नर्स हुन् । तर, केही समय यता उनको परिचय थपिएको छ । उनी अर्थात योगेश महत । योगेश र मिलन अमात्यको स्वर रहेको हांसी हांसी त्यो नजरले… गीत यतिखेर असंख्य स्रोता दर्शकको रोजाइमा परेको छ ।
रिलिज भएको १६ दिनमा उक्त गीतलाई ५० हजार बढि श्रोता दर्शकले यूटयुब मार्फत हेरेकामा एक दिन पछि यो संख्या एक लाख पचास हजार बढि पुगेको छ । ‘म ज्यादै उत्साहित छु’, योगेशले भने, ‘दर्शक श्रोताको सकारात्मक प्रतिक्रियाले अब गीत संगीतमा पनि करिअर बनाउने प्रेरणा मिलेको छ ।’
योगेश महतले प्रोडक्सन गरेको उक्त मार्मिक गीत मनोज लामिछानेले लेखेका हुन् भने बब्बु प्रधानले संगीत संयोजन साथै शिखर सन्तोषले संगीत भरेका छन् ।
म्यूजिक नेपालले बजारमा ल्याएको उक्त पप विद्याको गीतको म्यूजिक भिडियोमा नायिका केकी अधिकारीसंगै पुष्प खड्काको अभिनय छ । भिडियो निर्देशन निकेश खड्का, छायांकन अर्जुन तिवारी र सम्पादन निशान घिमिरेले गरेका हुन् ।
हेर्नुहोस् भिडियो
