आइतबार, कार्तिक ९ २०७७ | Sun, October 25, 2020
नेपालको समय: १३:५५ | UK Time: 08:10

लक्ष्यसहित पुनर्निर्माण गर्ने कार्ययोजना पारित

वीनेपाली
२०७३ मंसिर ५ गते २२:०५
प्रधानमन्त्री पुष्पकमल दाहालको अध्यक्षतामा आइतबार सिंहदरबारमा बसेको राष्ट्रिय पुनःनिर्माण प्राधिकरण निर्देशक समितिको बैठक । तस्बिर ः प्रदीपराज वन्त,रासस

प्रधानमन्त्री पुष्पकमल दाहालको अध्यक्षतामा आइतबार सिंहदरबारमा बसेको राष्ट्रिय पुनःनिर्माण प्राधिकरण निर्देशक समितिको बैठक । तस्बिर ः प्रदीपराज वन्त,रासस

काठमाडौँ, ५ मङ्सिर । राष्ट्रिय पुनर्निर्माण प्राधिकरण निर्देशक समितिको बैठकले लक्ष्यसहित पुनर्निर्माण गर्ने कार्ययोजना पारित गरेको छ ।

समितिको आज प्रधानमन्त्री तथा मन्त्रिपरिषद्को कार्यालयमा बसेको बैठकले यस्तो निर्णय गरेको प्राधिकरणले जनाएको छ । प्रधानमन्त्री पुष्पकमल दाहालको अध्यक्षतामा बसेको बैठकमा विभिन्न मन्त्रालयले अगाडि बढाउनुपर्ने कामलाई निश्चित लक्ष्य र उद्देश्यका साथ कहिले काम सुरु गर्ने र कहिले सक्ने भन्नेबारे निर्णय गरिएको प्राधिकरणका प्रमुख कार्यकारी अधिकृत सुशील ज्ञवालीले सञ्चारकर्मीलाई जानकारी दिनुभयो ।

“निजी आवास दुई वर्षभित्रमा सक्ने गरी कार्ययोजना ल्याइएको छ, निजी आवास, शैक्षिक क्षेत्र, स्वास्थ्य संस्था र परम्परागत सांस्कृतिक सम्पदा निर्माणको कामको पनि समय तोकी कार्ययोजना अघि सारिएको छ, यसका लागि अर्थ मन्त्रालयबाट बजेट पनि विनियोजन भएको छ”–उहाँले भन्नुभयो ।

भूकम्पपीडितलाई दोस्रो किस्ताको रकम वितरणका लागि कार्यविधि मन्त्रिपरिषद्मा पेस गरिएको पनि प्राधिकरणले जनाएको छ ।

प्रतिक्रिया

सम्बन्धित सामाग्री

फेसबुक