शुक्रबार, कार्तिक १४ २०७७ | Fri, October 30, 2020
नेपालको समय: १३:२९ | UK Time: 07:44

फर्किए डा. भट्टराई

वीनेपाली
२०७३ मंसिर १ गते १५:२८

15065048_1264546540271461_306716966_o
लन्डन । नयां शक्ति नेपालका संयोजक तथा पूर्व प्रधानमन्त्री डा. बाबुराम 
भट्टराई ५ दिने बेलायत भ्रमण सकेर बुधबार बिहान पोर्चुगल प्रस्थान गरेका छन् । भट्टराईलाई विदाइ गर्न राजदूत डा. दुर्गाबहादुर सुवेदीलगायत नयां शक्ति निकट अन्तर्राष्ट्रिय नेपाली समाज बेलायतका संयोजक भोला खनाल, मिडिया संयोजक बीरेन्द्र श्रेष्ठ आदि हिथ्रो पुगेका थिए ।

अन्तर्राष्ट्रिय नेपाली समाज बेलायतको निमन्त्रणामा गत शुक्रबार लन्डन टेकेका भट्टराईको यहां निक्कै व्यस्तता रह्यो । लन्डन टेकेकै दिन शुक्रबार दिउसो लन्डन इलिङमा पत्रकारहरुमाझ उपस्थित भएका भट्टराई त्यस दिन सांझ लन्डनस्थित नेपाली दूतावासमा बेलायतका नेपाली राजनीतिक दलका प्रतिनिधिसंग अन्तरक्रियामा व्यस्त रहे ।

भट्टराईले जनजाती महासंघ बेलायतको आयोजनामा रेडिङमा भएको कार्यक्रमलाई पनि सम्वोधन गरे भने गोर्खाली समाज यूकेको च्यारिटीमा प्रमुख आतिथ्य ग्रहण गरे । उक्त च्यारिटीमा गोरखाका भूकम्प पीडित अनाथ बालबालिकाको शिक्षा सहयोगार्थ एक करोड रुपैयां बढि प्रतिवद्धता आएको छ ।

भट्टराई अन्तर्राष्ट्रिय नेपाली समाज बेलायतले अल्डरसटस्थित एम्पायर हलमा गरेको ‘नेपालको आर्थिक सम्वृद्धि र विकासका सम्भावना एवं नयां राजनीतिक शक्तिको आवश्यकता’ अन्तरक्रियामा प्रमुख वक्ताका रुपमा प्रस्तुत भए ।

भट्टराई साउथ इष्टदेखि विश्व प्रख्यात बेलायतको अक्सफोर्ड युनिभर्सिटी र लन्डन स्कुल अफ इकोनोमिक्समा आयोजित कार्यक्रममा समेत सहभागी भए । ति कार्यक्रममा सहभागी हुन टाढा टाढाबाट अर्थवीद, प्राज्ञ, विदेशी विद्यार्थी र नेपाली समुदाय ओइरिएका थिए ।

15127530_1264548006937981_1620418418_o
अन्तर्राष्ट्रिय नेपाली समाज बेलायतका मिडिया कोअर्डिनेटर बीरेन्द्र श्रेष्ठका अनुसार, भट्टराईले बेलायत भ्रमणलाई ‘उपलव्धिमुलक’ मानेका छन् । ‘संगठन विस्तार र नयां शक्तिको उद्देश्यबारे जनमानसलाई अवगत गराउन 
पाउंदा भट्टराई प्रफुल्ल हुनुहुन्थ्यो’, श्रेष्ठले भने । भट्टराई बेलायतको नेपाली समुदायका करिब ३० प्रतिशतलाई नयां शक्तिमा आवद्ध गराउने दावी समेत गरेका छन् ।

बेलायत भ्रमणका क्रममा डा. भट्टराईले पार्लियामेन्टमा बेलायती सांसदहरु साथै एनआरएनए यूके प्रतिनिधि र भूपू गोर्खा प्रतिनिधिसंगसमेत भेट गरेका थिए । एनआरएनए यूके र बिजिडब्लुएसले भट्टराईको सम्मानमा बेग्ला बेग्लै स्वागत कार्यक्रम गरे ।

बेलायतमा विभिन्न कार्यक्रम सम्वोधनका क्रममा उनले राजनीतिक क्रान्ति बिना आर्थिक क्रान्ति सम्भव नहुने र अब नेपालमा राजनीतिक परिवर्तनपछि आर्थिक विकास र समृद्धि आवश्यक रहेको धारणा राखेका थिए । नेपालमा आर्थिक क्रान्तिका लागि नयां शक्ति मात्र एक विकल्प रहेको दावी पनि उनको थियो । भटटराईका साथ नयां शक्ति आवद्ध कृषिवीद मदन राई र अन्तर्राष्टिय विभाग प्रमुख नवराज सुवेदी पनि वक्ताका रुपमा थिए ।
तस्विरहरुः बीरेन्द्र श्रेष्ठ

प्रतिक्रिया

सम्बन्धित सामाग्री

फेसबुक