बिहीबार, कार्तिक ६ २०७७ | Thu, October 22, 2020
नेपालको समय: १२:३८ | UK Time: 07:53

सिडनीको फेसनमाण्डुमा नम्रता श्रेष्ठ र लेक्स लिम्बु विशेष आकर्षण

वीनेपाली
२०७३ कार्तिक २५ गते १४:००

k-garira

लण्डन । अष्ट्रेलियाको सिडनीमा हुने दोस्रो फेसनमाण्डुमा नायिका नम्रता श्रेष्ठ र युकेका बहुप्रतिभाशाली युवा लेक्स लिम्बु सहभागी हुने भएका छन् ।
सिड्नीस्थित हस्टभिल इन्टटेइनमेण्ट सेन्टरमा नोभेम्बर १८ मा हुने सो फेसन सोको आयोजना अष्ट्रेलियामा रहेको केगरिरा भन्ने संस्थाले गरेको हो ।
गत वर्षदेखि शुरु गरिएको सो फेसन सोमा नेपाली तथा अष्ट्रेलियन मोडल र फेसन डिजाइनरहरुको सहभागिता रहने बताइएको छ । यस वर्षको फेसन सोमा नेपालबाट आउने नायिका नम्रता श्रेष्ठको विशेष आकर्षण रहने छिन् भने युकेबाट जाने लेक्स लिम्बुले सो सोको संचालन गर्नेछन् ।
सो फेसन सोमा सहभागी हुनेका लागि ४० अष्ट्रेलियन डलरदेखि १४० सम्म टिकट मूल्य तोकिएको छ ।
सो फेसन सोको एक अंग बन्न पाएकोमा प्रशन्नता व्यक्त गर्दै लेक्स लिम्बुले नेपाली र अष्ट्रेलियनहरुको सम्मिश्रण देख्न र उनीसित भेट्न पाइने भएकाले फेसनमाण्डुको निम्तो स्वीकार गरेको बताए ।
लेक्सलिम्बु डटकममार्फत ब्लगिंग गर्दै आएका लेक्स लिम्बु हाल लण्डनस्थित किंग्स कलेजमा टुरिज्म, इन्भारोमेण्ट एण्ड डेभलपमेण्टमा एमए पनि गर्दैछन् ।
युकेको जाडो केही दिन भएपनि छल्न पाउनेमा खुशी व्यक्त गर्दै उनले युकेमा एकसेएक युवा प्रतिभाहरु भएकाले यस्ता किसिमका कार्यक्रमले भविष्यमा उनीहरुलाई नेपालभित्र र डायस्पोरामा प्रतिभा देखाउने मौका प्रदान गर्नसक्ने विश्वास उनले व्यक्त गरे ।

प्रतिक्रिया

सम्बन्धित सामाग्री

फेसबुक