आइतबार, कार्तिक १६ २०७७ | Sun, November 01, 2020
नेपालको समय: ००:५२ | UK Time: 19:07

एनआरएनए युकेले गर्यो नयाँ राजदूतको स्वागत

वीनेपाली
२०७३ कार्तिक १ गते २१:५६
nrn-raj

फाेटाे सबै मिलन तमु

लण्डन । बेलायतका लागि नवनियुक्त राजदूत डा. दुर्गाबहादुर सुवेदी क्षेत्रीको स्वागतमा गैरआवासीय नेपाली संघ युकेले स्वागत कार्यक्रम आयोजना गर्यो ।
एनआरएनए युकेको पहलमा भएको सो कार्यक्रममा युकेमा रहेका विभिन्न राजनीतिक, सामाजिक, धार्मिक, साँस्कृतिक, क्षेत्रीय, पेशागत संघसंस्थाका प्रतिनिधिहरुले सुवेदीलाई स्वागत गरेका थिए ।

एनआरएनए युकेका अध्यक्ष मुच्छेत्र गुरुङको अध्यक्षतामा भएको सो कार्यक्रममा स्वागत ग्रहणपछि बोल्दै राजदूत सुवेदीले युकेमा रहेका नेपालीहरुलाई एकजुट हुन आग्रह गरे । विदेशमा रहेका नेपालीहरुले नेपालीपन र नेपाली मन जोगाउन थप मिहिनेत गर्नुपर्ने भन्दै उनले नेपालीहरुलाई फुटेर होइन जुटेर अघि बढ्न आह्वान गरे ।

नेपाली दूताबासमा अनियमितता, भ्रष्टाचार, ढिलासुस्ती नहुने, अहिलेको कामलाई भरे, आजको कामलाई भोलि नभनिने प्रतिवद्धता उनले व्यक्त गरे । दूताबासमा कुनै भेदभाव नगरिने, सबैलाई सम्मान र समान व्यवहार गरिने पनि उनले जानकारी दिए ।
नेपाली दूताबास युकेमा रहेका सबै नेपाली संस्थाहरुसित सहकार्य गर्न चाहन्छ भन्दै उनले बेलायतमा रहेका सबै नेपालीको शीर उच्च राख्न आफ्नो कर्तव्य भएको प्रष्ट पारे ।

कार्यक्रममा शिवजी श्रेष्ठले सुवेदीको जीवनी वाचन गरेका थिए भने स्वागत मन्तब्य मिलन गुरुङ र हेल्थ एण्ड सेफ्टीका बारेमा जानकारी दिएका थिए । एनआरएनए युकेका पूर्व अध्यक्ष सूर्य गुरुङले कार्यक्रममा सहभागीलाई छक्क पार्दै कविता वाचन गरेका थिए । उनीसँगै फडिन्द्र भट्टराई र प्रतिमा केसीले पनि कविता सुनाएका थिए ।

एनआरएनए युरोप संयोजक कुल आचार्यले एनआरएनए आइसिसीले गरिरहेका कामका बारेमा जानकारी गराएका थिए भने एनआरएनए युकेका अध्यक्ष गुरुङले युकेले गरिरहेको कार्यका बारेमा अवगत गराएका थिए ।
nrnraj-1

प्रतिक्रिया

सम्बन्धित सामाग्री

फेसबुक