झुमा एकल संगीत साँझ गरिदै

लन्डन । बिगत साढे एक दशकदेखि नेपाली संगीत साधनामा लागेकी गायिका झुमा लिम्बु हाल बेलायतमा छिन् ।
आगामी अक्टोबर १५ तारिख शनिबारका दिन उनी झुमा एकल संगीत साँझमा प्रस्तुत हुने भएकी छन् । उक्त एकल संगीत सांझ नेपाली प्रतिभा प्रतिष्ठान, बेलायतले आयोजना गर्न लागेको हो ।
आफ्नो अडियो एल्बम ‘खासाम’ को प्रचार प्रसारमा बेलायत आइपुगेकी झुमाले यस अघि बेलायतको विभिन्न स्थानहरुमा एकल मुन्धुमी संगीत भने प्रस्तुत गरिसकेकी छन् । तर हालसम्म नेपाली शास्त्रीय तथा आधुनिक गीतको कार्यक्रममा उनले आफ्नो प्रस्तुति दिएकी छैनन् । झुमा संगीत साँझमा उनले नेपाली आधुनिक गीतहरु हार्मोनियम तथा अन्य वाद्यवादनको साथमा लाइभ प्रस्तुति गर्नेछिन् ।
यस अघि झुमाका दुई एल्बमहरु ‘ए साईला’ (२०६०) र ‘अमर संगीत’ (२०७०) नेपाली संगीत बजारमा आइसकेका छन् । उनले लामो समय वरिष्ठ संगीतज्ञ अम्बर गुरुङसंग शास्त्रीय संगीतको प्रशिक्षण समेत लिएकी छन् । यसका साथै संघीय लोकतान्त्रिक गणतन्त्र नेपालको नयाँ राष्ट्रिय गानमा समेत झुमाले स्वर दिएकी छन् ।

कार्यक्रम – झुमा संगीत साँझ (एकल गायन प्रस्तुति)
गायिका – झुमा लिम्बु
कार्यक्रम हुने स्थान र समय
मिति – १५ अक्टोबर २०१६, शनिबार

Bhetghat Gurkha Restaurant

9A High Street

Aldershot,

GU11 1 BH

Time: 1700 hrs

Entry Fee: £15

Conact: 07449043947 (Mjash Tembe), 07902012881(Mahesh Wanem 07428614419 (Naresh Naati)