जेरेमी पुनः लेबोर नेता

लन्डन । बेलायतको प्रतिपक्षी लेबोरको संसदीय दलको नेतामा जेरेमी कोरबीन पुनः निर्वाचित भएका छन् । उनले ६१.८ प्रतिशत मतसहित प्रतिष्पर्धी ओवेन स्मिथलाई हराएका हुन् । पार्टीको आन्तरिक लडाईंमा वर्ष दिनमा दोश्रो पटक वहुमतले जितेका कोरबीनले पार्टीलाई एक ढिक्का बनाउने प्रण गर्दै आगामी आम निर्वाचन समेत जित्न सकिने विश्वास व्यक्त गरेका छन् ।
लिभरपुलमा भएको लेबोर सम्मेलनमा कोरबीनले ३१३२०९ मत ल्याएका थिए । उक्त पार्टीका ५ लाख बढि सदस्य छन् । गत वर्ष उनको पक्षमा ५९.५ प्रतिशत मत परेको थियो ।

जनमतले ईयूबाट बेलायत बहिगर्मन भएपछि नेतृत्वलाई लिएर आलोचित कोरबीनले संसदमा अविश्वासको प्रस्ताव सामना गर्नुपरेको थियो ।

बुद्धिजिवी हेमन्त पौडेलको विश्लेषण छ, बोल्न सिपालु, सामान्य जीवन यापन गर्ने र सिद्धान्तमा अडिग यी बृद्ध नेताले ब्रिटेनको एउटा ठूलो आधुनिक पुस्तालाई नजानिंदो तबरले  केही वर्ष यता आकर्षित गरिरहेका छन् ।

इतिहासमा संधै लेबर पार्टीका ब्याक बेन्चरका रुपमा चिनिएका जेरेमी संसदमा आफ्नै लेबर पार्टीको ह्वीपलाई ४० पटक भन्दा धेरै उल्लंघन गरेका छन् । मार्ग्रेट थ्याचर प्रधानमन्त्री हुंदा उनीसंग पनि टक्कर लिन पछि परेनन् । साइकल चढेर हिंड्ने यी नेताको आफ्नै कार छैन भनिन्छ र यिनी रक्सी चुरोट खांदैनन्, शाहाकारी हुन् । यिनी पब्लिक यातायात प्रयोग गर्छन्, आप्रवासीका पक्षमा वकालत गर्छन् । प्यालेस्टाइन आन्दोलनलाई समर्थन गर्छन्, इराक युद्ध 
बिरोधी हुन् । आणविक हतियार उन्मुलनका समर्थनमा जहिले पनि गर्जन्छन् । नारा जुलुस खुब मन पर्छ यिनलाई । त्यसैले त बेलायतका ट्रेड युनियनका प्यारा छन् उनी ।