तस्विरः दि टेलिग्राफ
लन्डन । बेलायती पूर्व प्रधानमन्त्री डेभिड क्यामरुनले बेलायती संसद हाउस अफ कमन्सबाट पनि राजीनामा दिएका छन् ।
बेलायत युरोपेली युनियनमा नरहने भनी बेलायती नागरिकले जनमतसङ्ग्रहमा गरेको निर्णयबमोजिम बेलायत युरोपबाट फिर्ता हुने प्रक्रियामा सहज वातावरण होस् भनी प्रधानमन्त्रीका रुपमा उनले गत जुलाईमा राजीनामा दिएका थिए ।
क्यामरुनले बेलायत ईयूबाट बहिर्गमन गर्नु हुने वा नहुने भन्ने विषयमा बेलायत र ईयूको सहकार्य टुटाउन नहुने पक्षमा लागे पनि अन्ततः उनको अभियानले सफलता पाउन सकेन ।
