बिहीबार, कार्तिक ६ २०७७ | Thu, October 22, 2020
नेपालको समय: १२:५० | UK Time: 08:05

एनआरएनको काउन्सिल बैठकमा सय संस्था आउने निश्चित

वीनेपाली
२०७३ भदौ २४ गते १०:५०

NRNA UK Logo
लन्डन । एनआरएनए यूकेको आगामी आइतबार हुन लागेको बेलायतस्थित नेपाली संघसंस्थाबीचको काउन्सिल बैठकमा कम्तीमा सय संस्थाले भाग लिने जनाएका छन् । दुई सय बढि संघसंस्थालाई पत्राचार गरिएकामा अरु थपिने क्रम जारी रहेको संघले जनाएको छ । संघले प्रत्येक संस्थाबाट दुईजना प्रतिनिधि पठाइदिन पत्राचार गरेको छ ।

बैठकमा भाग लिन केन्द्रिय उपाध्यक्ष कुमार पन्त समेत आउने भएका छन् । कार्यक्रममा प्रमुख अतिथी हुनेछन् कार्यवहाक राजदूत शरदराज आरन ।
बैठक एम्पायर हल अल्डरसटमा बिहान ११ देखि सांझ ८ बजेसम्म हुन लागेको हो ।
कार्यक्रम संयोजक एनआरएनए यूके उपाध्यक्ष दासुराम पाण्डेले तयारी भइरहेको बताए । उद्घाटन समारोह, संस्थाको आर्थिक र प्रगति प्रतिवेदन प्रस्तुत एवं समूहगत छलफल गरि तीन चरणमा कार्यक्रम हुने महासचिव विजयविक्रम लिंगदेनले जानकारी दिए ।

संघको विधानमै संयुक्त अधिराज्यमा स्थापित भई सक्रिय नेपाली संघ संगठनबीच वर्षको एकपटक अनिवार्य रुपमा प्रतिनिधिसभा बैठक गर्नुपर्ने व्यवस्था छ । संघसंस्थाबीच आपसी एकता र भातृत्वको भावना अभिवृद्धि गर्दै नेपाल तथा नेपालीको हित हुने कार्यमा अधिकतम योगदानको अवसर उपयोग गर्न विधानले तोकेको छ ।

प्रतिक्रिया

सम्बन्धित सामाग्री

फेसबुक