गल्ती मेरै हो नाई कहाँ भनेको छु र
तर, यति कठोर सजाय नदेउ भनेको मात्रै हो
किनकि तिम्रो कठोर सजायमा बांच्न बिर्सेको छु
हांस्दा हांस्दै यहाँ मैले रुन सिकेको छु

तिम्रो अभावमा म यहाँ भिडमा पनि एक्लो भएको छु
त्यसैले कठोर सजाय नदेउ बिन्ती गरेको मात्रै हो
हो पक्कै हो घाउ मैले दिएको छु तिमीलाई
तर, पीडा भोगेको यहाँ मैले नै हो

हो सायद हो आंसु दिएछु तिमीलाई मैले
तर, आंसुमा यहाँ भिजेको त म आफैं हो
त्यसैले गल्ती मेरै हो नाई कहाँ भनेको छु र
तर, यति कठोर सजाय किन सोधेको मात्रै हो
बिर्सेको मैले कहाँ भने र होस् यहाँ मैले हराएको मात्रै हो
किनकि तिमी बिना एक्लिएको म सधैं नसामा झुमेको छु
टाढा भएको यहाँ म कहाँ हो र, दोबाटोमा हामी अलगिएको मात्रै हो
किनकी संग संगै तिमी नहुंदा गोरेटोमा पनि म हराएको छु
एक्लै हिड्न सक्दिन मैले कहाँ भने र ?
एकान्तको बहानामा तिम्रो साथ खोजेको मात्रै थिए
बांच्न सकिन मैले कहाँ भने र ?

तिमी संगको सहयात्राको परिकल्पना गरेको मात्रै थिएं
गल्ती मेरै हो नाई कहाँ भनेको छु र
तर यति कठोर सजाय नदेउ बिन्ती गरेको मात्रै हो
बिन्ती गरेको मात्रै हो