सोमबार, कार्तिक १० २०७७ | Mon, October 26, 2020
नेपालको समय: २१:१४ | UK Time: 15:29

भिसी शेरबहादुर थापाको स्मृति दिवस मनाइने

वीनेपाली
२०७३ भदौ २२ गते २०:५०

vc

लण्डन । दोश्रो बिश्व युद्धमा जर्मनी सेना विरुद्ध लड्ने क्रममा इटालीको सान मारिनोमा मारिएका भिसी शेरबहादुर थापाकाे स्मृति दिवस लण्डनमा मनाइने भएकाे छ।

थापाकाे ७२ अाैँ स्मृति दिवस १८ सेप्टेम्बरका दिन लण्डनमा खस अन्तर्राष्ट्रिय समन्वय समाज र  खस समाज युकेले संयुक्तरुपमा मनाउन लागेकाे हाे ।

नौ गोर्खा राइफलका सिपाही थापाको सन् १९४४ सेप्टेम्बर १९ का दिन जर्मनी सेनाको आक्रमणमा निधन भएकाे थियाे ।

तनहुँ जिल्लाको घले छापमा जन्मिएका थापालाइ ब्रिटिश सरकारले मरणाेपरान्त भिक्टोरिया क्रसको उपाधि प्रदान गरेको थियो ।
नौ गोर्खा राइफल तत्कालिन ब्रिटिश सरकारले सन १८१७ मा नेपाली खस जातिका छेत्री र ठकुरीका लागि बनाएको थियो । शेरबहादुर थापा उक्त नौ जिआरका तर्फबाट भिक्टोरिया क्रसको उपाधि पाउने एक मात्र खस मुलका नेपाली हुन् । ब्रिटिश सेनाको सबैभन्दा ठूलो उपाधि भिक्टोरिया क्रस हो | उक्त उपाधि शेर बहादुर थापाको परिवारलाई नदिएर नौ जिआरले नै आफूसंग राखेको छ | खस अन्तर्राष्ट्रिय समन्वय समाजका संयोजक टेकबहादुर थापाले भिसी शेरबहादुर थापाको योगदान ब्रिटेनको लागि  ठूलो महत्व रहेकोले हामीले स्मृति दिवसको रुपमा उनलाई सम्झन कार्यक्रमको आयोजना गरिएको बताएका छन् | उनले भने-” सिंगो गोर्खा सैनिक र सम्पूर्ण भिसी बिजेता नेपाली बहादुरहरुले  ब्रिटेनको लागि पुर्याएको योगदानले बेलायतमा बस्ने नेपालीहरुलाई  आत्मसम्मान दिलाएको हुँदा भिसी शेरबहादुर थापाजस्ता बहादुर गोर्खाहरुलाई सम्झनु हामी सम्पूर्ण नेपालीको दाहित्व हो | “
memori

प्रतिक्रिया

सम्बन्धित सामाग्री

फेसबुक