शनिबार, कार्तिक १५ २०७७ | Sat, October 31, 2020
नेपालको समय: १८:१६ | UK Time: 12:31

क्षेप्यास्त्र परीक्षणले उत्तर कोरिया एक्लिदैः अमेरिकी राष्ट्रपति 

वीनेपाली
२०७३ भदौ २२ गते १:३७
ओबामालाई लाओसस्थित राष्ट्रपति भवनमा स्वागत गर्दै त्यहांका राष्ट्रपति। तस्विरः एपी

ओबामालाई लाओसस्थित राष्ट्रपति भवनमा स्वागत गर्दै त्यहांका राष्ट्रपति। तस्विरः एपी

भिएनटाइन (लावस), २१ भदौ । अमेरिकी राष्ट्रपति बाराक ओबामाले उत्तर कोरियाले लगातार गर्दै आएको क्षेप्यास्त्र परीक्षणले गर्दा उक्त मुलुक विश्व समुदायबाट एक्लिदै गएको मङ्गलबार बताउनुभएको छ ।

ओबामाले उत्तर कोरियाली एकान्तवादी नेतृत्वका कारण विश्व समुदायसँगको सम्बन्धमा समस्या देखिएको बताउनुभएको हो ।

अमेरिकी राष्ट्रपति ओबामाले उहाँका दक्षिण कोरियाली समकक्षी पार्क गेन हेसँग लाओसमा क्षेत्रीय सम्मेलनको सिलसिलामा सोमबार भेट गर्नुहुँदै उत्तरद्वारा गरेका तीन मध्यम दुरीका क्षेप्यास्त्र परीक्षणबारे छलफल गर्नुभएको थियो ।

उत्तर कोरियाले चीनमा जी –२० सम्मेलनमा भाग लिन अमेरिकी राष्ट्रपति ओबामा तथा अन्य एसियाली नेताहरु लाओस प्रस्थान गर्नुपूर्व क्षेप्यास्त्र परीक्षण गरी शक्ति प्रदर्शन गर्न खोजेको भनाइहरू आएका थिए ।

अमेरिकी राष्ट्रपति ओबामाले दक्षिण कोरियाली पार्कसँग भन्नुभयो, उत्तर कोरिया उत्तेजित बन्दा आफूलाई थप एक्ल्याउने र उ विरुद्ध थप दबाब सिर्जना हुने बताउनुभएको थियो ।

यसलाई दक्षिण कोरियाका राष्ट्रपतिले बेकामको उत्तेजना भएको भन्दै राष्ट्रपति ओबामासँग यसले उत्तरलाई विध्वंशको बाटोमा लाने बताउनुभयो ।

प्योङयाङले यस वर्ष चौँथो आणविक परीक्षण तथा श्रृङ्खलाबद्ध क्षेप्यास्त्र परीक्षण गरेको छ । यसका कारण संयुक्त राष्ट्रसङ्घद्वारा उत्तर कोरियाविरुद्ध आर्थिक नाकाबन्दीको घोषणा गरिएको छ भने दक्षिण कोरियाले अमेरिकी क्षेप्यास्त्र प्रतिरोधी प्रणाली भित्र्याई उत्तरको सामना गर्न तयार रहेको बताउँदै आएको छ ।

उत्तर कोरियाली राष्ट्रपति किम जोङ उनको उपस्थितिमा सोमबार गरिएको क्षेप्यास्त्र परीक्षण उत्कृष्ट भएको भनी अवलोकन पश्चात उहाँले प्रतिक्रिया दिनुभएको थियो ।

प्रतिक्रिया

सम्बन्धित सामाग्री

फेसबुक