लन्डन मेलामा पर्यटन प्रवर्धन गर्न जुटे दूतावास र बोर्ड

14247589_10154460183976197_84408154_o

दूतावास र बोर्डको स्टलमा नेपाली समुदायका अगुवाहरु

लन्डन । वेम्ली पार्कमा आयोजित १४ औं लन्डन मेलामा नेपालको पर्यटन प्रवर्धन पहल भएको छ । लन्डनस्थित नेपाली दूतावास र नेपाल पर्यटन बोर्डको सहकार्यमा स्टल राखेर मेलाका आगन्तुकलाई पर्यटन प्रवर्धनात्मक सामाग्री बांडिएको हो । दूतावासका थर्ड सेक्रेटरी भूपेन्द्रप्रसाद घिमिरे, अट्याची तेजेन्द्र रेग्मी, दूतावास कर्मचारी र नेपाल पर्यटन बोर्डका यूके प्रतिनिधि पशुपति भण्डारी एवं एभरेष्ट इन ग्रुपका निर्देशक यादव भण्डारी आफैं लिफलेट, 
ब्रोसर, पत्रिका र अन्य सामाग्री बांड्न व्यस्त देखिन्थे । उनीहरुले आगन्तुकको नेपालबारेको जिज्ञासा मेटाउंदै पर्यटन गन्तव्यबारे अवगत गराए ।

‘तर, भूकम्पपछि नेपालबाट नयां प्रवर्धनात्मक सामाग्री नआउंदा अझ प्रभावकारी रुपमा प्रवर्धन गर्न सकिएको छैन्’, बोर्ड प्रतिनिधि भण्डारी भन्दै थिए । साथै रहेका पूर्व प्रतिनिधि ध्रुव केसीले आफ्नै खर्च र समय दिएर नेपालका लागि खटिनु चानचुने जिम्मेवारी नभएको बताए ।

अट्याची रेग्मीले वेम्ली जस्तो केन्द्रमा हजारौं आगन्तुकबीच नेपालको पर्यटन प्रवर्धन गरिएको बताए । कार्यवहाक राजदूत शरदराज आरन नेपाल आयरल्याण्ड डेका लागि आयरल्याण्ड गएकाले उपस्थित थिएनन् ।

मेलामा सहभागी एनआरएनए युरोप संयोजक कुल आचार्य, व्यवसायीहरु वीपी खनाल र बिराज भट्ट एवं लन्डन मेलाका ट्रष्टी प्रशान्त कुंवरले नेपाली कला संस्कृति झल्काउन मेला सहयोगी भएको बताए । कुंवरले मेला र 
भिआइपीको रिसेप्सनमार्फत नेपाली समुदायले लन्डन मेयर र स्थानीय मेयरहरुसंग अन्तरसंवाद गर्न पाउनु उपलब्धिमुलक भएको उल्लेख गरे ।

14142045_1239887546041926_1415201708766673694_n

नेपाली गीतसंगीतको चिनारी दिने उद्देश्यले मेलामा आर के स्क्वायर ब्याण्डले नेपाली गीत संगीत प्रस्तुत गरेको थियो भने लाखे नाच र अन्य सांस्कृतिक नाच समेत प्रस्तुत गरिए । ओमप्रसाद थापाको नेतृत्वमा प्रथम नौमति बाजा गुल्मी यूकेले नौमति बाजाको धुन प्रस्तुत गर्यो जुन प्रमुख आकर्षण थियो । उक्त समूहले मेला आयोजना स्थल र लन्डन मेयर सहभागी भिआइपीहरुको रिसेप्सनमा समेत नौमति बाजा बजाएको थियो । मेला हेर्न आएका दर्शक नौमति बाजाको पृथक धुनमा रमाइरहेका देखिन्थे ।

सन् २०१० देखि नै नेपाली दूतावास लन्डन मेलामा प्रत्यक्ष सहभागी हुंदै 
आएको छ । विगतमा गनर्सबरी पार्कमा हुंदै आएको जि लन्डन मेला यसपटक वेम्ली पार्कमा भएको हो । दक्षिण एसियाली संस्कृति झल्काउने उक्त मेलामा गीत संगीत, खाना र कलाको समेत समिश्रण थियो ।

प्रतिक्रिया

सम्बन्धित सामाग्री