बिहीबार, कार्तिक ६ २०७७ | Thu, October 22, 2020
नेपालको समय: ०८:५८ | UK Time: 04:13

तीज कार्यक्रममा यती अध्यक्ष देवानले बांडिन् उपहार

वीनेपाली
२०७३ भदौ १८ गते ११:३१

1472895073piplateej
लन्डन । तीजको पूर्व सन्ध्यामा नर्थवेस्ट लन्डन क्षेत्रका नेपाली महिलाहरुले सामूहिक नाचगानहित दर खाएर तीजलाई स्वागत गरेका छन् । शुक्रबार दिउंसैदेखि भेला भएका दिदीबहिनीहरुले मध्यरातसम्म नाचगानमार्फत 
रमाइलो गरे ।

यती नेपाली एसोसिएशन यूकेकी अध्यक्ष पिपला देवानले कार्यक्रम गरेकी हुन् ।
सो अवसरमा सहभागीबीच नृत्य प्रतियोगिता समेत गरिएको थियो जसमा १५ जनाले भाग लिएका थिए । प्रतियोगितामा देवीका रायमाझी प्रथम, सम्झना थापा दोश्रो र बिना गुरुङले तेस्रो पुरस्कार पाए भने वेष्ट इन्टरटेनरको पुरस्कार भक्तिमाया राईलाई दिइएको थियो ।

प्रतियोगिताको निर्णायकमा लन्डन नेपाल न्यूज डटकमका प्रवन्ध निर्देशक इञ्जिनियर आरके त्रिपाठी, बैंकर रमेश क्षेत्री, यती पूर्व अध्यक्ष उमेशराज मोक्तान लगायत थिए । यती एसोसिएशनका पूर्व अध्यक्ष मोक्तानले विजेताहरुको नाम घोषणा गरेका थिए । विजेता र अन्य सहभागीलाई वृद्धा सविताको बाहुलीबाट पुरस्कार प्रदान गरिएको थियो ।

कार्यक्रममा उपस्थित सम्पूर्ण दिदीबहिनीलाई यती अध्यक्ष पिपला देवानले तीजको शुभकामना दिदैं विशेष उपहार बांडेकी थिइन् । एलिजा देवानको संयोजनमा कार्यक्रम भएको हो ।

कार्यक्रममा एनआरएनए यूके उपाध्यक्ष हिराधन राई, श्रीमति रोजिना प्रधान राई, यतीका सल्लाहकार दौलत राई, बुटवलस्थित होराइजन कलेजका भाइस प्रिन्सिपल बासुदेव अर्याल, कोसेली समूहका वीरेन्द्र कुंवर, व्यवसायी देव गुरुङ लगायत उपस्थित थिए ।

प्रतिक्रिया

सम्बन्धित सामाग्री

फेसबुक