शनिबार, कार्तिक १५ २०७७ | Sat, October 31, 2020
नेपालको समय: ०८:१३ | UK Time: 02:28

साउथहल राम मन्दिरमा तीज कार्यक्रम हुने

वीनेपाली
२०७३ भदौ १६ गते १२:४८

maxresdefault
लन्डन । लन्डन साउथहलस्थित श्रीराम मन्दिरमा तीजको अवसरमा विशेष कार्यक्रम हुने भएको छ । विश्व हिन्दु महासंघ यूकेको आयोजनामा आगामी सेप्टेम्बर ४ तारिख, आइतबारका दिन पूजाआजा सहित भव्य कार्यक्रम हुन लागेको हो ।

दिउँसो १ देखि अपरान्ह पाँचबजेसम्म हुने कार्यक्रममा महासंघले रुद्री पूजा तथा विशेष मन्त्र पाठको व्यवस्था मिलाएको छ । त्यस्तै पूजाआजा सम्पन्न भइसकेपछि नाचगान र तीजका रमाइला गीतहरु सहित डिजेको पनि व्यवस्था गरिएको छ ।

“हिन्दु नारीहरुको महान चाड हरितालिका तीज पर्वका अवसरमा सँधैजस्तै यसपटक पनि श्रीराम मन्दिरमा आयोजना हुन गैरहेको  पूजाआजा तथा नाचगान कार्यक्रममा सहभागी हुन हामी बेलायतस्थित सबै नेपाली दिदीबहिनीहरुलाई हार्दिक आमन्त्रण गर्दछौं,” विश्व हिन्दु महासंघ यूकेका अध्यक्ष चिरन्जीवी ढकालले भने । नेपाल बाहिर बसेर पनि आफ्नो संस्कृति र परम्परा अक्षुण्ण राख्‍ने यस अभियानमा सघाउन उनले सबैमा अनुरोध गरेका छन् ।

कार्यक्रम श्रीराम मन्दिर, २२ किङ्गस स्ट्रीट, साउथहल UB2 4DA मा आयोजना हुने र बस, ट्युब तथा नजिकै पार्किङको पनि सुविधा रहेको आयोजक विश्व हिन्दु महासंघ यूकेले जनाएको छ ।

प्रतिक्रिया

सम्बन्धित सामाग्री

फेसबुक