शनिबार, कार्तिक १५ २०७७ | Sat, October 31, 2020
नेपालको समय: २२:४० | UK Time: 16:55

मंगोलियन भान्जालाई १० औं रेडिङ कप उपाधि

वीनेपाली
२०७३ भदौ १५ गते २२:३९

14114094_10154476890673522_1091865201_o

लन्डन । रेडिङ कपको १० औं संस्करण मंगोलियन भान्जाले हात पारेको छ । रेडिङको जोन रब्सन सेन्टरमा भएको फाइनलमा तोङबा फुटबल क्लबलाई २, १ ले पछि पार्दै मंगोलियन भान्जाले उपाधि कब्जा गरेको हो । उपाधिसंगै उक्त टिमले १६ सय पाउण्ड पुरस्कार पनि हात पारयो भने उप विजेता तोङबा एफसीले १००० पाउण्ड पायो ।विजयी टोलीका कुञ्जन गुरुङ म्यान अफ द म्याच घोषित भए भने बीबीसीका सञ्जय थापा मगर धेरै गोल गर्ने टप स्कोरर खेलाडी भए ।

युथतर्फ २३, भेट्रानतर्फ ६ र १६ वर्ष मुनीका ३ टिम सहभागी उक्त प्रतियोगिता हेर्न रेडिङ र आसपासका नेपालीको उत्साहजनक उपस्थति थियो । गुल्मी नौमती बाजाले दिनभर प्रतियोगिताको रौनक अझ थपेको थियो । यसै गरि भेट्रानतर्फ बीबीसीले हिमालयन फुटबल क्लबलाई २, १ ले हराउंदै उपाधि र ८०० पाउण्ड पुरस्कार जित्यो । भेट्रान तर्फ गणेश लामाले सर्वाधिक गोल गरे भने मिलन राई म्यान अफ द म्याच घोषित भए ।

१६ वर्ष का मुनिको उपाधि गोर्खा हिल केन्टले जित्यो । उसले फाइनलमा स्वीन्डन क्लबलाई १, ० ले पछि पार्यो ।

कोलबर्न टाउन काउन्सिलर डा. जगन्नाथ शर्माले प्रतियोगिता उद्घाटन गरेका थिए भने रेडिङ मेयर मोहम्मद अयुब र कार्यबहाक राजदूत शरदराज आरनले संयुक्त रुपमा पुरस्कार वितरण गरेका थिए ।

प्रतिक्रिया

सम्बन्धित सामाग्री

फेसबुक