आइतबार, कार्तिक ९ २०७७ | Sun, October 25, 2020
नेपालको समय: १३:५९ | UK Time: 08:14

क्याट यूकेद्वारा ३७ लाखमा दुई विद्यालय पुनर्निर्माण

वीनेपाली
२०७३ भदौ १५ गते २२:१७

cat uk 1
लन्डन । यूकेमा रहेका चितवनवासीहरुको साझा संस्था चितवन एड ट्रस्ट (क्याट यूके) को १२ औं साधारण सभा हालै लन्डनमा सम्पन्न भएको छ । बेलायतका लागि कार्यबहाक नेपाली राजदूत शरदराज आरनको प्रमुख आतिथ्यमा सम्पन्न उद्घाटन कार्यक्रममा उपाध्यक्ष सुनिल खड्काले सहभागीहरुलाई स्वागत गरेका थिए भने पूर्व अध्यक्ष लोक गुरुङ लगायतले संस्थाको गतिविधिबारे चर्चा गरे ।

उक्त साधारण सभामा महासचिब यादब श्रेष्ठले संस्थाको प्रगति प्रतिवेदन र कोषाध्यक्ष समिर खनालले आर्थिक प्रतिवेदन पेश गरेका थिए । त्यसैगरि टिका पौडेलले संस्थाको विधान प्रस्तुत गरे । सो अवसरमा कृष्ण तिवारीले ढोडनी राप्रावि र कृष्ण गुरुङले दाहाखानी राप्राविमा क्याट यूकेको सहयोगमा भएका परियोजनाहरुबारे जानकारी दिए ।

संस्थाका अध्यक्ष बसन्त श्रेष्ठको सभापतित्वमा सम्पन्न साधारण सभामा चितवन घर भई बेलायतका विद्यालय र विश्वविद्यालयमा विभिन्न शैक्षिक तह उत्तीर्ण गरेकाहरुलाई अभिनन्दन गरिएको थियो भने आजीवन सदस्यहरुलाई प्रमाणपत्र वितरण गरियो ।

क्याट यूकेले नेपालमा गत वर्ष भूकम्प पीडितहरुको सहयोगार्थ २३ हजार १ सय २६ पाउण्ड संकलन गरेको थियो । क्याट यूके भूकम्प पीडित राहत कोषबाट १४ लाख र अन्य श्रोतबाट ३ लाख संकलन गरि १७ लाखको लागतमा ढोडेनी राप्राविमा बिद्यालय पुनर्निर्माण गरिएको थियो। त्यसैगरि संस्थाको राहतकोषबाट १० हजार पाउण्ड र अन्य स्थानीय श्रोत परिचालन गरि २० लाख ४५ हजार रुपैंयाको लागतमा राप्राबि दाहाखानी राप्राबिको बिद्यालय पुनर्निर्माण गरिएको छ । साथै संस्थाले प्रधानमन्त्री राहत कोषमा २ हजार पाउण्ड हस्तान्तरण गरेको थियो भने चितवनको मानव सेवा आश्रमलाई ५० हजार रुपैंया सहयोग गरेको थियो ।

संस्थाका महासचिव यादब श्रेष्ठले चितवन भरतपुरमा रहेको आँखा अस्पतालमा आँखा बैंक सञ्चालन गर्न १० लाख रुपैंया सहयोग गर्ने र चितवनको बिकट क्षेत्रमा एम्बुलेन्स खरिद गर्ने योजना अनुरुप कार्यहरु भइरहेको बताए । विदेशमा व्यस्तता वावजुद स्वयंसेवकको रुपमा चितवनको विभिन्न क्षेत्रमा सहयोग गर्ने चितवन एड ट्रस्ट यूकेको कार्यहरु निकै प्रशंसनीय छ ।

प्रतिक्रिया

सम्बन्धित सामाग्री

फेसबुक