लन्डन । नेपलिज आर्टिष्ट असोसिएसन यूकेले बेलायतस्थित नेपाली 
बालबालिकाबीच गर्न लागिएको एकल नृत्य प्रतियोगिताको तयारी तीव्र भइरहेको जनाएको छ । असोसिएसनले बालबालिकाभित्र रहेको प्रतिभा उजागर गर्ने उद्देश्यले आगामी ४ सेप्टेम्बर दिउसो ह्यारो बरो फुटबल क्लवमा प्रतियोगिता गर्न लागेको हो ।

असोसिएसन अध्यक्ष अजय शेखर प्रधानले हाल बेलायतस्थित नेपाली संघसंस्था र अभिभावकहरुलाई बालबालिकाको सहभागिताका लागि अनुरोध भइरहेको जनाए । ‘तर, पर्याप्त आवेदन अझ आइसकेको छैन्’, प्रधानले भने, ‘बालबालिकाकै हितका लागि गर्न खोजिएको हो तर नेपाली अभिभावकहरुलाई कन्भिन्स गराउन अप्ठेरो रहेछ ।’

७ देखि ११ वर्ष र १२ देखि १६ वर्षका बालबालिकाबीच दुई क्याटगोरिजमा प्रतियोगिता गरिने आयोजकले जनाएका छन् । नृत्य नेपाली कला संस्कृति झल्कने खालको हुनुपर्ने नियम छ । प्रतियोगिताका लागि २५ पाउण्ड दर्ता शुल्क लाग्ने र अगष्ट अन्तिमसम्म आवेदन लिइने छ । आवेदन संघको इमेल [email protected]om मा पठाउन सकिने छ ।
विजेतालाई आकर्षक पुरस्कार दिइने र फष्ट वीनरलाई म्यूजिक भिडियोमा खेलाइने असोसिएसनले जनाएको छ ।