मंगलबार, कार्तिक ११ २०७७ | Tue, October 27, 2020
नेपालको समय: १५:५४ | UK Time: 10:09

सिनेवर्ल्डमा गाजलु (फोटो फिचर)

वीनेपाली
२०७३ भदौ ५ गते १०:०७

Gajalu show 1

लन्डन । नेपाली सिनेमाको बेलायत प्रदर्शन नौलो होइन । बन्ने बित्तिकै व्यवसायिक प्रयोजनका लागि यूके आइपुग्छन् फिल्म । तर कम्युनिटी हल, रेष्टुरेन्ट वा अन्यत्र सामान्य प्रोजेक्टरमा देखाइने परम्परा अन्त्य 
गर्दै नेपाली युवाले फिल्म ‘गाजलु’ सिने वर्ल्डमा प्रदर्शन गरे । अल्डरसटको विशेष प्रिमियरपछि यही अगष्ट २६, २७ र २८ मा यूकेका १० वटा सिने वल्र्ड हलमा ‘गाजलु’ देखाउने योजना छ । चिस्विक लन्डन मुख्यालय रहेको सिने वर्ल्ड युरोपमा दोश्रो ठूलो सिनेमा अपरेटर मानिन्छ जसका ९ शहरमा २ हजार सिनेमा हल छन् ।

Sristi Gajalu

इन्टरनेशनल नेपाली फिल्म एकेडेमी र इन्टेक १९८५ ले ‘गाजलु’ प्रदर्शन गरेका हुन् । शोका लागि पूर्व मिस नेपाल सृष्टि श्रेष्ठ परिवारसहित उपस्थित थिइन् । यसअघि २९ मेमा पनि उक्त फिल्मको वर्ल्ड प्रिमियर भइसकेको थियो तर सिने वल्र्ड प्रदर्शनका लागि डेढ साता समय निकालेर सृष्टि फेरि होम टाउन आएकी हुन् । हाउसफूल शोमा निक्कै हंसिली देखिएकी उनी भन्दै थिइन्, ‘मेरो पहिलो फिल्म हलिउड बलिउड सरह प्रदर्शन भएकामा ज्यादै उत्साहित छु । यसले नेपाली सिनेमा अन्तर्राष्ट्रिय बजारमा लैजान सकिने एउटा उदाहरण प्रस्तुत गरेको छ ।’ अहिले सिनेमा र रंगमञ्चमा एकसाथ रमाइरहेकी सृष्टिले नयां फिल्मका लागि सम्झौता गरिसकेको पनि जनाइन् ।

फिल्म प्रदर्शनमा स्थानीय मेयरेस् र बेलायतस्थित नेपाली चलचित्रकर्मीको उत्साहजनक उपस्थिति थियो । अलिक टाढा फोकस्टोन केन्टबाट प्रदर्शनमा आइपुगेकी मेकअप आर्टिष्ट बिना राईले नेपाली फिल्म सिने वर्ल्डमा हेर्न 
पाउंदा ज्यादै गर्व लागेको अनुभव सांटिन् । ‘इच्छा शक्ति भए नेपाली फिल्म अन्तर्राष्ट्रिय बजारमा लैजान नसकिने होइन रहेछ’, उनले भनिन् ।

कुमारीको कथामा आधारित छ ‘गाजलु’ । हेमराज बिसी निर्देशित उक्त फिल्ममा सृष्टि, अनमोल केसी, गौरब पहारी, सलोन बस्नेत, मेनुका प्रधान, गौरी मल्ल, कृष्ण मल्ल, विश्व बस्नेत, ऋतिक शाही आदिले अभिनय गरेका छन् ।

8W5A0071

सबै तस्विरः के के मूभिज

प्रतिक्रिया

सम्बन्धित सामाग्री

फेसबुक