बुधबार, कार्तिक ५ २०७७ | Wed, October 21, 2020
नेपालको समय: ०९:५० | UK Time: 05:05

स्टेन्स् किङ्सरोडमा खुल्दै बुद्ध बार एण्ड ग्रील

वीनेपाली
२०७३ भदौ २ गते ०:३१
सञ्चालक किशोर थापा

सञ्चालक किशोर थापा

लन्डन । स्टेन्स् किङ्सरोडमा १ सेप्टेम्बरदेखि बुद्ध बार एण्ड ग्रील रेष्टुरेन्ट सञ्चालनमा आउने भएको छ । सञ्चालक किशोर थापाले नेपाली र मेक्सिकन खानासहित रेष्टुरेन्ट नयां साजसज्जामा सञ्चालन हुन लागेको जानकारी दिए । नेपाली स्वादिष्ट खाना अलवा नाचुस, बुरिटो, फजिता जस्ता मेक्सिकन खाना समावेश गरेर रेष्टुरेन्ट नयां ढंगले खोल्ने तयारी अन्तिम चरणमा छ । सन् २०१३ देखि ०१६ सम्म त्यो एसियाना ओरियन्टल बफेट रेष्टुरेन्टका रुपमा सञ्चालनमा थियो ।

१५० सिट क्षमताको उक्त रेष्टुरेन्टमा सभा समारोह वा हरेक खालका निजी पार्टी आयोजना गर्न सकिनेछ । रेष्टुरेन्टले आउटडोर क्याटरिङ समेत गर्ने जनाएको छ । उक्त रेष्टुरेन्ट आउन फेल्थाम, हन्स्लो, हिथ्रो एयरपोर्ट, फानबोरो र अल्डरसटसम्मका ग्राहकलाई पायक पर्ने सञ्चालकले जनाएका छन् ।

सञ्चालक थापाले आफ्नो रेष्टुरेन्टका लागि किचेनमा सेफ र बाहिर काम गर्ने केही अनुभवी वेटर, बार टेन्डर अति आवश्यक भएको जनाउंदै काम गर्न इच्छुकलाई सम्पर्क गर्न भनेका छन् । दक्ष जनशक्ति अभावका कारण यतिखेर रेष्टुरेन्ट व्यवसाय सञ्चालन गर्न धेरै चुनौतिपूर्ण रहेको थापाको अनुभव छ । थापाले निकट भविष्यमै आफ्नो रेष्टुरेन्टमा सुकुलमा बसेर नेपाली मौलिक खाना (ढिंडो) खान पाइने व्यवस्था गर्न लागिएको पनि जनाए ।

14037907_10154408888771197_1579693649_o

 

प्रतिक्रिया

सम्बन्धित सामाग्री

फेसबुक