शनिबार, कार्तिक ८ २०७७ | Sat, October 24, 2020
नेपालको समय: ०३:२९ | UK Time: 22:44

प्लमस्टेड पशुपतिनाथ मन्दिरमा रक्षा वन्धन कार्यक्रम हुने

वीनेपाली
२०७३ भदौ १ गते १:०१

14031136_10157286954435494_1503614814_n.png
लन्डन । पशुपतिनाथ मन्दिर प्लमस्टेडमा रक्षा वन्धन कार्यक्रम हुने भएको छ । आगामी अगस्ट १८ तारिख बिहीवार हिन्दूहरुको पवित्र पर्व रक्षा वन्धन तथा जनै पूर्णिमाको अवसरमा विशेष कार्यक्रम हुने भएको हो । मन्दिर व्यवस्थापन समितिले उक्त दिनमा जनै तथा रक्षा वन्धन ग्रहण गर्न इच्छुक सबैलाई बिहान ८ देखि दिनको १ बजे सम्म मन्दिरमा उपस्थित हुन आवहान गरेको छ ।

मन्दिर व्यवस्थापन समितिका अध्यक्ष बालजंग अर्यालका अनुसार मन्दिर आवद्ध पण्डितहरुबाट  रक्षा वन्धनको अवसरमा बिहानै देखि रुद्राभिषेक पूजासहित जनै पुजन तथा मन्त्रोचारणको बिशेष पूजाआजा सञ्चालन हुने छ । पूजित रक्षा वन्धन तथा जनै वितरण ८ बजे देखि शुरु गरिने जानकारी मन्दिर व्यवस्थापनले दिएको छ । मन्दिर व्यवस्थापन समितिका महासचिव अर्जुन गौतमले मन्दिरमा आयोजित रक्षा वन्धन कार्यक्रममा सहभागिताका लागी आफ्नो मातहतका साथीभाईहरुलाई सुसुचित गर्न सबैमा आग्रह गरिएको जनाएका छन् ।

साउथ इष्ट लन्डनको प्लमस्टेडमा नेपालीहरुकै पहलमा स्थापित पशुपति मन्दिरले विगतका वर्षहरुमा समेत रक्षा वन्धन, तीज, दशैँ, शिवरात्री लगायतका पर्वहरुमा बिशेष पूजाआजा गर्दै आएको छ ।

रक्षा वन्धनको दिन हिन्दू धर्मालम्बीहरुले परम्परागत रुपमा रक्षा वन्धनको रुपमा पूजिएको डोरो बाँध्ने तथा जनै पहिरेर धार्मिक कर्म प्राप्तिको मार्गमा पुनर्जागरुक हुने पावन दिनको रुपमा जनै पूर्णिमा मनाउने परम्परा रहिआएको छ ।

प्रतिक्रिया

सम्बन्धित सामाग्री

फेसबुक