मंगलबार, कार्तिक ११ २०७७ | Tue, October 27, 2020
नेपालको समय: १४:३० | UK Time: 08:45

बेलायतको सबैभन्दा अग्लो हिमालमा फर्फरायो नेपाली झण्डा

वीनेपाली
२०७३ साउन २९ गते १०:११

MT Nevis

लण्डन । बेलायतको सबैभन्दा अग्लो हिमाल बेन नेभिसको चुुचुरोमा गत साता दुई दर्जन नेपालीहरुले नेपाली झण्डा फहराएका छन् ।
स्कटल्याण्डमा अवस्थित ४ हजार ४११ फिट अग्लो सो हिमालमा एकैदिन २३ जना नेपालीहरुले पाइला हालेका हुन् ।
यसरी आरोहण गर्नेहरुमा नेपाली मूलका काउन्सिलर डा. जगन्नाथ शर्मा, आचार्य मेदिनीपति मिश्र, आत्माराम दाहाल, डा. केशव दाहाल, विष्णु पौड्याल, लक्ष्मी शर्मा, अनिता दाहाल, ऋधुम्न दाहाल, मोहन, भारती, र सुभन शर्मा, सरोज नेपाल, अञ्जना, अंकिता, कोपिला दाहाल, दुष्यन्त, आरम्भ, शोभा, अस्मिता भट्टराई, भुपेश मिश्र, सुयश भट्टराई, चिरञ्जीवी पौड्याल लगायत थिए ।
सो टोलीले चुचुरोमा पुगेर नेपाली झण्डा फहराउनुका साथै नेपाली टोपी लगाई फोटो खिचेको थियो ।
बिहान ९ बजे शुरुभएको सो आरोहणका आरोहण दल सदस्यहरु बेलुका ८ बजे मात्र आधार शिविरमा फर्किन सफल भएका थिए । आधार शिविरमा २० डिग्री सेल्सियस तापक्रम रहेपनि शिखरमा भने ३ डिग्री रहेको थियो । सामान्यत शिखरमा १ डिग्रीभन्दा मुनी तापक्रम रहने गर्दछ ।
शिखरमा लामो समय रहन जाडोले कठिन हुन्छ । करिब एक घण्टा शिखरमा रहेका एक नेपालीले भने, –मेरो हात पूर्णरुपमा कठाग्रिंएको थियो । औँलाहरु चलाउन नसक्ने भएको थियो । अवतरण गर्न पनि चिप्लो बाटो र ढुंगाहरुका कारण गाह्रो थियो ।
आरोहणको संयोजन गरेका आत्माराम दाहाल म्याराथन धावकका साथै योग गुरु हुन् । उनले मोरक्को, फ्रान्स र धौलागिरीमा हिमाल आरोहण गरका छन् ।
बेन नेभिसमा हरेक वर्ष करिब २ लाख ५० हजार मानिसहरु आउने गर्दछन् । त्यसमध्ये १ लाख ५० हजारले सफलता पाउने गर्दछन् ।

Ben Nevis team

प्रतिक्रिया

सम्बन्धित सामाग्री

फेसबुक