बुधबार, कार्तिक ५ २०७७ | Wed, October 21, 2020
नेपालको समय: ०८:२८ | UK Time: 03:43

प्रदेश ३ लाई बेलायतबाट सुझाव

वीनेपाली
२०७३ साउन २९ गते ९:४६

Federalism-Map
लन्डन । बेलायतका नेपालीले ‘संघीय प्रदेश नम्बर ३ बेलायत नेपाल समाज’ गठनको तयारी गरेका छन् । नयां संविधानले नेपाललाई सात संघीय प्रदेशमा विभाजन गरिसकेको अवस्थामा भविष्यमा रुपान्तरित हुने प्रदेश ३ सरकारलाई बेलायतबाट रचनात्मक सुझाव सल्लाह दिन भन्दै त्यस्तो समाज गठन गर्न लागिएको हो । यसका लागि २५ सेप्टेम्बर बिहान लन्डनमा एउटा वृहत भेला डाकिएको छ ।

‘यो संस्था बेलायतका अरु ३ सय नेपाली संस्था जस्तो उद्देश्यले बन्ने छैन्’, भेलाको संयोजन गरिरहेका समाजसेवी इन्जिनियर राजकुमार त्रिपाठीले भने, ‘हामी बेलायतबाट प्रदेश ३ लाई उर्जा, अर्थतन्त्र, शिक्षा र अन्य क्षेत्रमा सुझाव सल्लाह र आफ्नो सीप दिन्छौं । बेलायतमा रहेका गन्यमान्य व्यक्तिले नै यसलाई नेतृत्व गर्दैछन् ।’ यस खालको नामाकरण र परिकल्पना आफूहरुको पहिलो भएको पनि त्रिपाठीको दावी छ ।

त्रिपाठीले उक्त भेलामा उपस्थित भएर रचनात्मक सुझाव सल्लाह दिन पनि आग्रह गरेका छन् । संघीय प्रदेश नम्बर ३ मा दोलखा, रामेछाप, 
सिन्धुली, काभ्रेपलान्चोक, सिन्धुपालचोक, रसुवा, नुवाकोट, 
धादिङ, चितवन, मकवानपुर, भक्तपुर, ललितपुर र काठमाडौं जिल्ला पर्छन् । त्रिपाठीले उक्त जिल्लाका बेलायत बस्ने सबैलाई भेलामा आउन आग्रह गरे ।

प्रतिक्रिया

सम्बन्धित सामाग्री

फेसबुक