दाम्लोमा बांधिएकी महिलाको उपचारमा जुटे बेलायतवासी नेपाली

Pregnant-57a9bfb5326351.47757725

लन्डन । ६ महिना दाम्लोमा बांधिएर भर्खर उद्दार गरिएकी एक गर्भवती महिलाको उपचारका लागि बेलायतवासी नेपालीले आर्थिक सहयोग
संकलन शुरु गरेका छन् । गैर आवासीय नेपाली संघ बेलायत र यूके नेपाल फ्रेण्डसीप सोसाइटीको संयुक्त पहलमा आर्थिक सहयोग संकलन थालिएको हो ।

मानसिक सन्तुलन गुमाएकी उदयपुर त्रियुगा नगरपालिका–५ स्थित भातिखर्क निवासी २२ वर्षीया सृजना कार्की (खड्का) को हाल जिल्ला अस्पताल गाइघाटमा उपचार भइरहेको छ । आर्थिक अवस्था कमजोर रहेको ति महिलाको एउटा खुट्टाको घाउ बिग्रिएर किरा परिसकेको छ ।

बच्चा जन्माउने महिना यही भदौ भएकाले उनलाई जतिसक्दो छिटो स्वस्थोपचार जरुरी रहेको जनाउंदै एनआरएनए यूके उपमहासचिव अर्जुन कटुवालले बेलायतवासी नेपालीलाई एकपटक फेरि मानवीय भावना दर्शाउन अपिल गरेका छन् । उनले सहयोगपछि आफ्नो इमेल [email protected] मा जानकारी दिन पनि आग्रह गरे ।

इच्छुक दाताले निम्न बैंक विवरणमा पैसा सहयोग गर्न सक्नेछन् ।

Bank details:

UKNFS

SC: 40-13-07

ACCT NO : 12501805

UK NEPAL FRIENDSHIP SOCIETY

 

प्रतिक्रिया

सम्बन्धित सामाग्री