शनिबार, कार्तिक १५ २०७७ | Sat, October 31, 2020
नेपालको समय: १०:२१ | UK Time: 04:36

नेपाली मेलामा सहभागी भइदिन दूतावासको आव्हान

वीनेपाली
२०७३ साउन २६ गते २१:३६

13932052_10154389810951197_2104735231_o
लन्डन । २८ अगष्ट आइतबार लन्डनमा हुन लागेको नेपाली मेलामा सहभागी भइदिन लन्डनस्थित नेपाली दूतावासले आव्हान गरेको छ । तमुधिं यूके र नेपाली दूतावासको संयुक्त आयोजनामा केम्पटन पार्क रेस कोर्स, सनबरी अन थेम्स् मा आठौं नेपाली मेला हुन लागेको जानकारी दिंदै दूतावासले सहभागिताका लागि आव्हान गरेको हो । दूतावासले मौलिक भेषभुषामा आएर मेला सफल बनाउन आग्रह पनि गरेको छ ।

तमुधिंले विगत ७ वर्षदेखि मेला गर्दै आएको छ ।

बेलायतस्थित दर्जनौं संघसंस्थाको प्रत्यक्ष सहभागिता रहने उक्त मेलाले मिनी नेपाल अर्थात नेपाली कला, संस्कृति र भेषभुषा झल्काउने गर्छ । मेलामा झांकी र सांस्कृतिक प्रतियोगिता गरिने र ति दुवै विद्यामा भाग लिएर उत्कृष्ट हुने संस्थाले एम्बेसडर कप र नगद पुरस्कार पाउने आयोजकले जनाएका छन् । मेलामा ब्रिगेड अफ ब्याण्ड र नेपाली युवाहरुको सांगीतिक प्रस्तुति, एम्बेसेडर कप, सांस्कृतिक झांकी प्रतियोगिता, ट्होटे पर्व, मनोरन्जनात्मक खेल, नेपाली खाना तथा उत्पादनहरुका स्टल आदि आकर्षणका रुपमा रहनेछन् ।

यसैबीच, तमुधिं यूकेका अध्यक्ष सुर्जे (रामचन्द्र) गुरुङको अध्यक्षतामा मेलाको तयारी बैठक सम्पन्न भएको छ । बैठकमा मेला संयोजक एवं उपाध्यक्ष नन्दजङ्ग गुरुङले मेलाको तयारीबारे अवगत गराएका थिए । मेला सफल बनाउन तमुधिंले आफ्ना सातैवटा इकाइ र सयौं स्वंयसेवक परिचालन गर्ने निर्णय गर्दै संस्थाका पदाधिकारीहरुलाई विभिन्न जिम्मेवारी बांडफांड गरेको छ ।

प्रतिक्रिया

सम्बन्धित सामाग्री

फेसबुक